sen de wetouwer en de pensionoudster in spé. "Wat was d'r dan afge-
sproke?", zö vroog de vergaederieng.
Verbouwereerd vertelde ze dat ze daer glad nie bie geweest was. Noe
was de verwarrieng compleet, ze kwaeme d'r nie uut en moeste 't nog 's
uutzoeke. 't Vrouwtje bleef teleurgesteld achter, mee een kluutje, in 't
moeras van wetten en regels. Weer een seizoen verlore. Ze gieng wi
zitte.
't Volgende onderwerp was: 'De Domburgse huisjes'. A vlug wier dude-
lijk dat 't over vakantie'uusjes gieng die as, vooraol deur Domburgers, in
't verleden in de tuun gebouwd waere. Lucratief voor een particulier an
de kust, dien as een 'uus gekocht eit en mee zwaere lasten zit. Ze 'ebbe
zelfs een soort verênigieng, begreep ik.
Deur de herindêling van een paer jaer gelee was t'r eigenlijk per durp een
verschil. In 't êne durp mag 't wè, en ergens anders nie. Dat moch geliek
getrokken ore en de vraege was: nè welke kant?
Den inspreker, een Domburger, nam 't op voor de kleine veruurders. "A
jaeren gieng 't goed en in de andere durpen, verder van de zeê, zou 't zö
een vaert nie lope," docht n.
D'r wier 's wat heen en weer gesteggeld over her en der neergezette
'uusjes in een nieuwbouwplan, in Domburg, 't Zag er rommelig uut,
vonde sommige, ze begrepe dan ook nie dat de schoöneidscommissie dat
ao toegestae.
Je kon mèrke dat de commissieleden d'r viengers d'r eigenlijk nie an
't Territorium
woue brande, de meêste 'ieuwe d'r eige op de vlakte, 't Bin een 'oop
stemmers en dan krieg je nie graog de zwartepiet.
'Alf negene geweest en tied vo de koffie, of thee natuurlijk, ledereên naè
't buffet, d'r oor netjes een kommetje thee ingeschoenke deur de mén
sen van de gemeênte. Een koekje d'r bie en even lekker stae en je rug
rekke.
Kiek, nog een oud-collega, da's lank gelee da 'k em gezien even biep-
raote.
Een kwartier is dan agauw voorbie en me gaen verder mee de butenpla-
etsen. Butenplaetsen? Ik voele m'n eige eventjes nog vee verder terug in
de tied as daenet bie de thee. Jae, 't is echt waer, d'r schiene ménsen te
wezen mee zövee centen dat ze een bos in wille plante rond d'r 'uus, as
ze mae moge bouwe in 't butengebied. Vo die ménsen is de gemeênte al
een paer jaer bezig mee de realisatie van een regelieng. 'Gratis natuur
dat is mooi meegenome', zou je d'r as slogan an kunnen 'ange.
Den inspreker, voorzitter van de durpsraed, waerschuwt de commissie
dat Oöstkappel straks geên kant meer op kan. Ie eit er van g'ore dat ze
in 't Zuuen zoies wille gae stichte, bie 't 'of van Cranesteijn. "En dat is de
lesten uutweg vo verdere uutbreidieng van 't durp," vindt n.
De leden van de commissie 'ebbe ook zö wat vraegen. Ze wille dat 't
goed onder controle bluuft, vo wat betreft de bebouwieng. Geên dubbe-
noe nummer 19 I
