't Territorium
Ie 'uzen of érger. 'Een stenen doos', oort dat genoemd.
Ook de beplantieng kriegt andacht, 't moet een echt bos ore volgens de
regels van de natuur. An eên stik en liefst tegenan een bestaend bos.
Groen Lienks eit verder 's uutgerekend 'oevee oppervlakte d'r is angewe-
ze in 't bestemmiengsplan butengebied. Ze bin toet de conclusie gekom-
me dat, mee de voorgestelde jaerlijks te bouwen hoeveeleid, me toekun-
ne toet vérre vobie 't jaer 2100. D'r is goed vooruutgekeke, bliekt.
"Misschien kriege me daernae wel een regeling om op vuuf hectare leeg
land te bouwen", dienk ik bie m'n eige.
't Moe goed dichtgetimmerd ore, is de boöschap in de richtieng van de
wetouwer. En dat grieze vlekje op de kaorte, vérre van de andere inge
kleurde vlakken af, dat vertrouwe ze ook nie. Ze 'ebbe 't gevoel dat er
daer wat geregeld is deur iemand. Ook dae moe nog 's naè gekeken ore.
Afijn, een statig 'erenuus dus - in een bos.
"Of een eênsgezinsweunieng," kan de afgevaerdigde van de SGP nie
naelaete nog op te mérken. "En geên rijtje coniferen," voegt Groen
Lienks d'r an toe.
Dan kriege me 't onderwerp over de begraefplaetsen. 't Onderoud kost
de gemeênschap vee geld en d'r leit een voorstel om de mensen dan
maer bovenop mekaore te begraeven. Spaert ruumte en dus kosten, is de
korten uutleg. Dat kom raor over en den inspreker vindt dat ook. Ie zeit
dat er op 't platteland aoltied naest mekaore is begraeve en dat dat zö
I noe nummer 19
moe bluve. Daer is eigenlijk niemand op tegen, want 't onderwerp is te
gevoelig. Je vraeg j'n eige af of ze nie beter direkt mee een kostenver'o-
ging kunne komme, mae goed, da's de politiek.
Verder dan mae. Een bos, bie Griepskèrke. Ook dat is een verrassieng vo
me. Ik docht aoltied dat dat een echt gemoedelijk boeredurpje zou bluve,
midden in den 'oek. 't Is anders, 't plan is a jaeren oud en 't gaet over
anderalve hectare of daeromtrent. Mee de verkavelieng is t'r grond vrie
gekomme, den 'elt minder as eerst was beloofd, mae 't is vo mekaore.
Noe moet 't alléén nog ingeplant ore.
De durpsraed ei z'n 'uuswerk goed gedae. Ze eit bekeke 'oe of 't stik 't
beste ingedeêld kan ore, zodat 't ansluut op andere wandelpadjes en d'r
een soort van route ontstaet. Ook 't onderoud van 't bos is precies uut
gerekend, 't snoeien is toet op 't antal seconden per takke angegee. 't
Levert een compliment op van de voorzitter van de vergaederieng.
"Den onderoudsdienst kan 't zö invoere in 't systeem van de computer,"
zeit n nog.
Oöstkappel is weer an de beurte, deze keer gaet 't over een bypass. Da's
een mooi woord vo een stikje rondweg om 't strandverkeer uut 't durp te
'ouwen. Indertied is daer ook a 's over gepraot en dat liep toen noga
'ooge op, 'ebbe ik wé 's g'ore. Vandaer dien andere naeme, vermoede ik.
De tribune gaet 's rechte zitte en spitst z'n oren, ze probere niks te mis-
