Ikke Mokammedaon (1)
Jan Bruens (Aernburg)
't Is 1961. Op een Nederlands koöpvaordieschip vaor 'k vo den eersten
keêr van m'n leevn over de rivier tussn Irak en Iran, de Shatt-al-Arab, op
weg naor de 'aovenstad Basra. Wulder vervoern Amerikaonse 'ulpgoe-
dern, vonaomelijk bestaonde uut priezige spuln. 'Arrow' overhemdn,
'Fruit of the Loom' ondergoed, spiekerbroekn van 't merk 'Lee', maor ook
een grote ladieng Chevrolets in alle kleum en maotn.
't Was vreêd waerm dao. Meer as vuuftig graoin celsius. Wulder sliktn
massa's zoutpiln, deugespoeld mee vee bier. Me passeerdn miljoenen
daodelpalmen en hutn van leêm. Aermoedige gesluierde vrouwn, meêsta
mee een kind an de bost, kwaomn in gammele bootjes langszie vo te
bietsn om afvalout. Onderweg nao Basra gieng de boot regelmaotig voor
anker vo te lossn. 'Ier droegn de 'avenarbeiers nie meer as vodn. 't
noe nummer 19 I
