Zatte pleuge
i
Marco Evenhuis (Souburg)
De Zeeuwsche Vereeniging voor Dialectonderzoek bestae 75 jaer.
Een club van een paer 'onderd enthousiaste, mae op pakweg vuuf-
tien man nae ernstig grieze dialectliefhebbers, die as 'eêl wat goeie
diengen gedaen eit vo 't wetenschappelijk onderzoek naè de
Zeêuwse dialecten. Mae as 't erop ankomt 't Zeêuws een bitje te
bevorderen, slae ze aolle planken die a ze vor ulder ögen kriege
twaolf keer achter mekaore mis. Toet noe toe dan.
De kroon op 't werk van de Vereeniging was toet vo kort 't Zeêuws
Woordenboek, mee z'n anvullienge ('t supplement) en z'n digitale
broertje op cd-rom. De kroön ao in 't jubileumjaer de erkennienge
van 't Zeêuws as streektaal moete wezen. Of liever: de erkennienge
van aolle in Zeêland gesprake, verwante dialecten. Je moe zöiees
een bitje polletiek correct brienge netuurlijk.
Die erkennienge kwam t'r nie. En in plekke a de verênigienge 's
flienk in de penne klom om tegen dat besluut van de minister te
protesteren, verzonne ze vo 't gemak mae een ander kroontje op
ulder werk: een verkiezienge van 't mooiste Zeêuwse woord. Je
moet er mae op komme. Noe was dat nie zö moeilijk, want in
Friesland en Limburg ze dat a vee eerder gedae.
Vakjury 71
Bewere a protest tegen die mislukte erkennienge zinloögris, is onzin,
't Zeêuws ei recht op erkennienge en 't Zeêuws ei mensen die a dat
recht kunne afdwienge. De verênigienge zou daebie saémen mee de
I noc nummer 20
Zeêuwse polletiek voorop moete stae. In Dagblad De Limburger van
23 oktober 2003 schreêuwt Commissaoris van de Keuneginne Van
Gelder nog a Zeêland desnoods "naar het Europese hof van justitie
(stapt) als de Nederlandse regering het Zeeuws niet tot een officieel
erkende streektaal maakt"
En dat zeide n, jawel daè komt n, op de bloedeigenste Zeêuwse
Dialectdag van de Zeeuwsche Vereeniging voor Dialectonderzoek in
Kapelle. Eên jaer laeter bie 't zelfde evenement in Kapelle vaolt er
naebie gin woord mi over de mislukte anvraege vo erkennienge en
bestempelt een 'vakjury' een lullig niemendalletje toet 't mooiste
Zeêuwse woord aoller tieden. Platte zeuge. Asjeblieft zeg.
Even nest 't padje: die jury eit 't mooiste Zeêuwse woord gekoze uut
inzendiengen van aollerlei mensen uut 'eêl de provincie, 't Meêst
genoemd was gosternokke. Mae een (bastaerd-)vloek laete winne,
daè was de jury toch wè wat benauwd vo. Platte zeuge is daerom
nie alleên een taemelijk lullige winnaer, mae ook nog 's 't resultaot
van een ietentwat dictatoriale jurybeslissing. Gosternokke!
Akademy
Terug nae de erkennienge van 't Zeêuws. Kiek, noe kan ik begriepe
at er mensen bin die a dat aol niks vinde. Ook onder leden van die
dialectenclub zulle d'r gerust weze die a d'r bedienkiengen Da
kan. Niks mis mee. Ik vraege m'n eige af toe oök wè 's af of a me
die erkennienge wè nódig en wat a een erkennienge van 't
Zeêuws bie zou kunne draege an de positie van 't Zeêuws. 'Oe meer