Dromen over Sommerdiek
Zatte pleuge
de drankwienkel, da zien ik an eên van z'n plastic tassen. In die
drankwienkel stae op dunderdag aoltied een man mee roots in 't
Nieuweland. Amper drie kilometer van Ritthem. Aollebeie praote ze
liever en makkelijker Zeêuws as Nederlands. Mae aollebeie wete ze
dat nie van mekaore. En aollebeie doee ze daerom ulder stienkende
best om goed Nederlands te praoten. Oök tegen mekaore. Die uut
Ritthem kriegt er soms naebie kramp in d'r keele van, ei ze wè 's
gezeid. Ze praot liever zö plat as een zeuge. Die van Nieuwland ei
wè 's bie mien löpe klaege at n naebie gin klanten meer eit die a
Zeêuws kunne. De 'ontzeêuwsieng' in een neutendop. En ze bin nie
eênst 's gries.
Beste, lieve, goeie ouwe verênigienge: een stickertje op die deure
mee zóiees as 'ier ka je in 't Zeêuws terecht", zöiees moe lukke
toch? Die tekst is bovendien in aolle Zeêuwse dialecten 't zelfde, dus
daè ei je oök gin ruzie om te maeken of een vakjury vo an te stellen.
Een gouwe tip dus. Kant en klaer en rechtenvrie. Succes ermee.
Alli 'verênige', gefilleseteerd mee julder jubileum en mee 't geslaeg-
de symposium van 20 november. En 'eêl vee goeie ideeën, joenge
leden en voraol daedkracht vo de toekomst toegewenst. Zurgt a je
die duzenden euro^ die a je ielk jaer van de provincie krjjegt wi
waerd oort. En provincie: dienk nae, zurg a je goed geïnformeerd bin
en wees nie te benauwd vo drastische maetregels. 't Gdë om ons
geld en om onze taele. P
Siemen Francke (Oöskappel)
Ik zie joe legge in de zunne
In 't 'arte van Flakoverkee
'Ier liekt den tied nog stil te staen
En toch moe ook dit durpje mee
Mae de mensen 'ier geloov' in God
In plaets van in dien afgod 'geld'
Ze wieke nie, noch vo de zeê
Noch vo economisch geweld
Prachtig durpje an de kust
Mee 'oge golven, Strang' en rust
Zö leg jie, prachtig op de kiek
'k Droom dikkels van joe, Sommerdiek
noe nummer 20 I
11
