Fiets
Jan Zwemer (Oöskappel)
De man, da kon je goed ziee, stoeng te martelen.
't Zweêt op z'n wezen, z'n lippen op mekaore geklemd en ie was ook
de joengsten nie mi.
De kleppe van z'n auto stoeng open gaepende wied en 'alf butenste
boord 'ieng een fiets. Een snokje 'ier, een douw daer - en dan liep
de man wi naè de aore kant om te proberen of 't daer wou lukke.
Nauwachtig, en de man wou dudelijk de lak nie beschaedige. Van
z'n Gazelle nie en nie van z'n automobiel,
le keek 's op z'n 'arlozie; 't kwam nog nie gelege ook, aol da
gemuggel, da kon je zö ziee en net wou ik m'n diensten anbiee, a t'r
een man van een fiets stapte.
'Moe 'k even 'elpe?'
Gelukkig, d'r waere nog fatsoenlijke ménsen op de wèreld.
'As je dat doee wil, graog.'
Den man z'n gezicht klaerde zömae op. Noe zou 't zö gebeurd
weze, en ik docht er a over om deur te lopen. Diengen die as goed
gae, da's noe eênmael niks vo een mooi verhael.
leder an een kant stoenge ze. Den ouwere man wrikte, den anderen
zette kracht. Neê, lie fiets bleef op z'n plekke.
'Nóg een keer,' zeide de man die as afgestapt was. 'En aan gliek,
dan moe 't gae.' J
't Stuur schoof een duum of-t-wat, een wiel kantelde ^mae neê.
'As me noe aftelle,' zeide de man van den auto. le keej< den anderen
recht an en begon: 'Eên-tweê-driee-ja.' Snokkend en potend stoen
ge ze acht seconden, je kon de fiets om-ende-weer 'ore gae over de
boomplanke van de kofferbak - mae 't 'eêle rijwiel 'ieng nae afloop
nóg aoltie op 'alf zevene.
De man die a z'n diensten angeboön ao, dee z'n aermen uut meka
ore in een gebaer van 'ulpeloös'eid. 'Oe ei-je n d'r dan in gekrege?'
'D'r in gekrege, 'oe bedoel je?'
'Ja, ie moet er toch uüt?'
'Bin jie zót, ie moet er in.'
'D'r in? Ik docht dat n d'r uüt moch!'
'Ebbe julder wè 's een fiets 'ore lache?
noe nummer 20
