Volsteke
't Spook en de duvel
'aege. A dan de baes d'r an komt, sprieng jie te voorschien, je zwaai
mie j'n aermen en je roept mie een 'olie stemme: 'Baes Vermeulen,
baes Vermeulen, ik bin den duvel en ik komme joe 'aelen a jie nie
op'oudt mie zupen en dan neem ik joe mee naè de 'elle'.'
'Goster vrouwe, dat is noga wat, ee. Ik geloof nie a ik dat durve. A
dat echte spook aneêns komt, ik mo d'r nie an dienken'.
'Dat echte spook kom nie, wan die ei vakantie. Ik d'r naè eïnfur-
meerd. En a jie je werk goed doet, krieg jie van mien nog een extra
fooie'.
'Goed vrouwe,' zei de knecht. 'Ik doet 't'.
En zö kruupten Dies op een aevend mie dat laeken over z'n lief in
die 'aege. Ie luusterde gespannen of a d'n den baes 'oordn kommen.
En ja'oor, ie 'oordn n ziengen: 'Neemt er nog eêntje en dan nog een
paer...' En toen Vermeulen vlak bie de knecht was, sproeng Dies te
voorschien en dee precies zö a de vrouwe 'n ezeid aa.
'Verrek joon,' zei de baes. 'Ik schrik me rot. Bin jie den duvel mae. Ik
doch a je m'n schoonmoeder was. Kom op duvel, dan gaèn me nog
om een borrel.'
En de duvel zei: 'Aijeblief, baes'. j
I
Jan Zwemer (Oöskappel)
St. Kappelkerke, 20 maart
Dhr. H.B. Gijs
zittende op een waegen
van ondudelijke constructie
ei z'n besten gedae
an een goed mael eten:
den 'elt van een 'eêl paerd
en dan beêstevleis - een 'êle fermielje
(een gezinnetje plus een ome)
weggespoeld mee bier, zeven tunnen
achteran schaepevleis, 't kot was gliek leeg
mae slaope da goeng nie
'Van den 'oenger', zeide de man tegen onze journalist.
noe nummer 20 I