Ripportasie uut Kalashnikov
Jan Bruens (Aernburg)
't Stoeng nie in de krante. Van 't multiculturele groepje zingnde
scholiern 'ier in Aernburg. Ulder lied? Allah is groot, Allah is groot,
Allah, Allah, Allah is groot. Ulder boekentasn giengen op't ritme van
't lied om'oöge. En van die vrouwe in Oöstburg die 'k 'oorde zegn
teegn 'eur tweêjaorig knechtje: 'Gao je jie maor lekker op je poepje
zittn'. Vaneigest stoeng 't nie in de krante...
Maor over 't 16e festival voor 'underground art music' in 't jon-
gerncentrum Kalashnikov waor ok a niks te vindn. En 't was zeêre de
moeite. Nao een jaor van vee vergadern en organiseern wier d'r op
vriedag 13 augustus begonn mee 't op orde briengn van t jongern-
centrum en 't buurt'uus 'de Triangel'. We waorn mee vee mensn en
an 't ende van de middag 'iengen alle têkeniengn, schilderieën en
mail-art op 'ulder plekke en waor ok de van steigerpuupn gemaokte
tente voor de 'action-painters' gereêd. 't Overnachtn zou in Axel
gebeurn en de reis daor'eene waor mee de bus. 'k Kost ok nog even
genietn van de diere buskotjes van Terneuzn. Daor is goed voor in
de bus geblaozn, zal 'k mao zegn. De afbraok van 't openbaor ver
voer wor 'ier schienbaor gecompenseerd mee exorbitante buskootn.
'n Schraoln troost. Mao leutig vö te zien. j
't Is noe zaoterdag. In Kalashnikov en de Triangel is 't al 'óp orde.
Eên ruumte is mee behulp van papier en verve, gardierrcjh en schóne
decoraosies omgetoverd in een grotte. 'Ier zuln tallözefnuzikantn
de volgende uurn ulder kunstn vertoönn. Noe is ok de videokaomer
ingericht en in de gróte zaole van 't buurt'uus zien alletfei kraomp-
I noe nummer 20
jes mee spuln, zöas gebaotiekte doekn,'oedn, underground blaodn,
cd's en nog vee meer. Zelve 'ad 'k een taofel vol mee exemplaarn
van Noe. Rond drie uurn druppeldn de eersten bezoekers binn en
een uurtje of zó laoter wier 't muzikaole gedeêlte van 't festival geo
pend mee een optreedn van zangeres en gitaoriste Lin Proces (in de
grotte). 't Waor nog vroeg, maor de stemmieng kwam d'r goe in. En
al rap waorn de Funkatronians an de beurte. De 'lounge-band' (mee
vleugjes jazz en funk) speelde de stern van den 'emel en gaf mien,
spreekstalmeêster, de keur om 't gedicht 'Geên Kunst', uteraord
muzikaol versierd, vo te draogn. 'Ier is 't:
"Kunst voegt iets toe an de werkelijkeid, mao geeft die nie zómaor
weêr.
Een kunstwèrk is geên verbeeldienge van de werkelijkeid, maor de
verwerkelijkieng van de verbeêlding. Kunst is 't zout in de pap, de
kunstenaor den eêuwigen lastpost, zonder wien of de maotschappij
zou verdom. Daorom worn ulder gehaot deu dictaotors.
Beeld'ouwer en schilder, schriever en dichter, muzikant en zanger,
têkenaor en etser, cineast en toneêlspeler, columnist en liedjesschrie-
ver, allemaole maokn zulder ulder eign werkelijkeid. Die geliekt dan
wè op 'de' werkelijkeid, mao is d'r geên copie van. De werkelijkeid
van de kunstenaor is onder'evig an eign regels en wetmaotigeedn.
Kunst moet daorom op d'r eigeste regels en wetmaotigeedn worn
beoordeêld. Vraogn as 'is 't waor?' of 'wat stelt da voo?' èn meêstal
geên zin. Je vraogt toch oók nie 'wat is de 'waor'eid' van een