Vuuf regels
Charlotte van der Wiel (Aernburg)
'Where are you from?'
'The Netherlands.'
'Really? I've been to the Netherlands.'
'Have you? Whereabouts have you been?'
'Amsterdam, Rotterdam, Utrecht, Volendam, Groningen...'
Zö gaot da noe al anderalve maond: iedereên die 'k op m'n reis
tegenkom die of naor Nederland is gewist, is overa gewist, behalve
in Zeêland. En ik docht toch écht da ze allemao naor onze sturm-
vloedkering kwaomn kiekn. Te zot eigenlijk, wan ik ben dao zelf ook
nog nooit gewist. Mao da terzijde. Buutenlanders zien aoltied onder
den indruk van 't feit da wudder deêls onder zeêniveau weunn en
da wudder de zeê bedwoengn èn, maor toch slaon ze Zeêland over.
Ik snap da nie. A 'k terug ben, gaon 'k geliek naor onze sturmvloed-
kering. 's Eevn kiekn 'oevee buutenlanders da t'r zien.
M'n reisgenoot kom uut Arnhem en zie èt de gewoonte om in elke
boekandel waor of we komn, een reisgids te pakn over Nederland
om te kiekn wat of ze schrievn over Arnhem (nie vee goeds tot noe
toe). Zélf kiek 'k dan eevn wa ze te zegn èn over Zeêland, of beter
gezegd, over Zeêuws-Vlaondren. Vuuf regels tekst is 't record...
Ik wor 'r nie echt vrólijk van. Middelburg en Vlissiengn komn d'r 't
best vanaf, alleên stuurn ze je nog wè mee de boöt nao d'overkant.
De tunnel was geên wèreldnieuws, dienk 'k. En ach, vuy# regels
tekst is 't toch nie waerd om nao den overkant te gaonjius waorom
zou je?
Toch jammer, 't zou leutig zien om 's wat anders dan Dy|tsers tegen
te komn op 't strand bie Sinte Pier of zö...
Ik èn dus mao beslootn om vanaf noe Zeêuws-Vlaondren te pro-
mootn gedurende m'n reis. 'k En nog dik zes maondn de tied. Moe
lukn om d'r een paor zoverre te kriegn. Ik gaon in acht maonden
tied naor Amerika, Fiji, Nieuw Zeêland, Australië en Thailand.
Amerikaann zien moeilijk nao Zeêland te kriegn, wan die doen 'eêl
Europa in drie weekn en Nederland staot dan geliek an 'Amsterdam'.
De Fijiaan (of 'oe noem je da volk eigenlijk?) krieg 'k ook nie nao
Zeêland, want ten eersten is 't vee te verre weg (a je nog vedder
gaot, bin je wee a terug) en ten tweêde zien die ménsen vee te
aerm. Ze zien vee te druk mee joe nao de plek te kriegn waor of
zudder gèld an je kunn verdienn. Je kriegt 'r geên spéld tusn. Ik
dienk da de Thai precies zö zien, dus dan bluuvn de Kiwi's en de
Ozzies over. Voo wie 't nog nie weet: inweuners van Nieuw-Zeêland
bin Kiwi's en die van Australië Ozzies. Dus 'ier mot 't me lukn om d'r
een paor nao Zeêland te kriegn. D'r bin d'r zövee die an een
Nederlandse achtergrond èn, die gaon vroeg of laot een keêr kiekn
waorom die voorouders dao weggegaon zien. En kom op: Zeêland
en Nieuw Zeêland? Da liek me reedn genoeg! At er iemand is die
me kan vertein waorom Nieuw Zeêland 'Nieuw Zeêland' 'eêt, dan
'ou ik me anbevooln. Tot noe toe zien 'k nie vee overeênkomstn,
behalve dan 't weer. Nieuw Zeêland is Zeêland mee vee vulkaonn,
bèrgn, schaopn, dolfijnn, walvisn, gletsjers... affijn, 'eêl anders dus.
En aol die diengn èn mien overg'aoln om 'ier nao toe te komn, maor
wa gebruuk ik om de mènsn van 'ier nao Zeêland te kriegn? Vee
no« nummer 20 I
