't, volgens um.
De volgenden ochend stap ik dus wl in d'n auto. Ik ao ook wè
kunne lope bliekt agauw, wan 't is mae tweê kilometer verderop, 't
Is een prachtig kerkje, dat moe gezeid. 't Leit op een bergtop, mee
een weitje d'r vo. An d'n overkant van de wegt is nog een weie,
waè zandkleurige koeien lope, mee bellen om. Da tienkelt gezellig in
't zunnetje. D'r bin vee mensen, 't Schient dat aolle mensen uut 't
durp 'ier elk jaer saemen komme, mee ulder kinders en kleinkinders
overaol vandaen. 't Durp is trouwens nie echt een durp, wan de
'uzen legge verspreid in de vallei, tegen de bergen an. Bliekbaar is
dit weitje 't durpsplein. In 't midden bin mannen bezig om een vuur
tje an te leggen. D'r staen taefels mee eten: woste, olieven, kaes,
dat soort dingen. En chips vo de kinders. D'r ore lootjes verkocht, en
kerststerren, ledereên lacht en roept naè mekaore. 'Ier oor ik a bliee
van vodat de kerkdeuren open gae!
Mae eênmael binnen is de verrassing compleet. Ik zien slordig witge
kalkte muren mee scheuren en schilfers. Een duuve fladdert bovenin
een bitje rond. Mae daè bluuf 'k nie lang naè kieken. Wan in aolle
nissen van de kerke oort een plaetselijk ambacht naegespeeld. Deu
kinders, tieners, volwassene en bejaerde uut 't durp. Meewolle over-
gaeve! D'r bin boeren die knoflook stae te zaoien, terwiejjas dat
ulder vrouwe (mee een schorte an en een 'oöfddoek omjfeten kom
brienge. Ik zien nog net gin busse vo kouwe thee, mae dat ao best
gekund... D'r is een bakker, compleet mee een kartonne^oven. In
De verkeerde kattedrao!
de levenden kerststal zit een zwaer opgemaekte Maria in lichtblauw
satijn. D'n os (eên van de zandkleurige koeien) staet in een anderen
'oek van de kerke, mee z'n kont naè 't publiek. Een in mekaore
gedoken engel zit 't op gróte 'oogte aol te bekieken, af en toe
zwaoiend naè d'r moeder benee. De drie koniengen èn een plekke
op 't podium. Niks kamêlen; bliekbaer bin z' op de brommer gekom-
me. Die staen naemelijk achter ulder. Verderop zit een meisje, mee
een schortje vo, die een verkenspöot 'een en weer zwaoit op de
noe nummer 20 I