Aolles went
Marco Evenhuis (Souburg)
'Ier ei je n dan. Op z'n ouwerwes, dus wi mee een ongekende ver-
traegienge. D'r bin weer aollerlei redenen vo (een mailadres dat a
een 'aolf jaer zó'n bitje geblokkeerd ei gewist, kopij die a mae nie
wou komme, drukte omtrent veruziengen van redactieleden en zö
verder). Mae me gae daè nie eênst 's mi over uutweie. Me bin laete,
da's aol en da bin je van ons gewend.
't Eerste kwart van deze twintigste Noe is nog a serieus. En da
mag ook wè 's; Zeêland eit op een verschrikkelijk wanraekte maniere
iees deu de neuze geboord gekrege waer a ze recht op ao: officiële
erkennienge van 't Zeêuws as streektaele deu de EU. 't Zeeuws vol
deed op dezelfde maniere an dezelfde voorwaerden as 't Limburgs
en 't Nedersaksisch (die a wè erkend bin). Mae deu polletieke spelle
tjes van de Taalunie, desinteresse en zelfs een denigrerende 'oudien-
ge van de Zeêuwse media en 't mee aolle winden meewaoien van
de Zeêuwse dialectverênigieng krege me 'ier in Zeêland nie waer a
me recht op 'aodde.
En nóg Want da's nog een schandaol op z'n eige: gin mens bie de
provincie of de dial|ctenverênigienge leek t'r wat om te geven at 't
aol nie deugoeng. Sterker nog: d'r wier naebie mee gin jJvoord over
gepraot. Om over in beroep gae tegen de beslissienge van 't Rijk bie
de EU mae te zwiegen.
Kortom, in deze Noe lees je waerom a je daè best kwaed om mag
weze. Misschien at er uuteindelijk mensen wakker ore |n een nieu
we anvraege doee. Dat kan naemelijk gewoon nog.
I noe nummer 20
Verder in deze Noe vee gaef Zeêuws geschrief uut aolle dêlen van
de provincie. Zöas je van ons geweun bin ondertussen, dus. Engelien
Duijvestijn ei bievobbeld vier gedichten van Marcel Koopman stik-
kefraoi in 't Zeêuws vertaeld, Jan Bruens briengt op een onnaevolg-
baere maniere verslag van gebeurtenissen uut z'n onnaevolgbaere
leven, Leuntje Aernouse en Charlotte van der Wiel kampe om de
pries vo reislustigste auteur, Jan Zwemer kan op z'n eêntje alleên a
twaolf Noe's vuile en Marien Stroo wist er nog net een rondeletje
uut te persen.
Noe nummer 20: lang an gewerkt, mae ie mag t'r wi weze. A zeie
me 't zelf. En nummer 21tja. Wanneer a die uutkomt durve me nie
mi 'ardop te vospellen, mae me bin d'r a druk mee doende. En das
vo ons doen a 'eêl wat.
Toet de naeste keer!
A me noe eeen schrievende redactie, kopij van niet-redactiele-
den bluve me wè 'eêl 'ard nódig Dus of a je noe ripppertaoges
wil maeke (mee vee foto's), veraelen te vertellen eit, dicht of
anderszins schrieft: schrieft in elk geval en stiert 't nae ons op.
't Moe wè (een bitje) in de juuste spellienge. Die ka je op internet
terugvinde (www.zeeuws.cjb.net). En foto's bin ook meer as wel
kom. Me leze graog van je!
