Terugkieke
bemoeien, wier 't glad een zootje. Ze vroge de ménsen op straete
stomme, simpele diengen zöas: 'Moe 't Zeêuws een taele ore?' Wat
as ze daèmee bedoelde, zeide ze d'r nie bie. En as ze a 's een keer
uut mekaore deeë wat as ze bedoelde, dan wier 't nooit: moe 't
Zeêuws erkend ore volgens 't Europees Handvest vo Streektaelen en
Taelen van Minder'eden? Neê, vee te moeilijk natuurlijk. En dat
'streektael' een gewoon Nederlands woord vo 'dialect' is, daer
aodde de heren en dames journalisten nie bie naegedocht. Ze aodde
't mae over 'tael' en niks anders.
Dat de ménsen op straete van aolles terugzeide dat mee de erken-
nienge zöas die deur de Provincie angevroge was, glad niks te mae-
ken ao, dat kon je ze natuurlijk nie kwaelijk neme. Dat de mênienge
van de ménsen volgens de letter van 't Handvest ook glad nie van
belang was, dae gaeve de PZC en Omroep Zeêland natuurlijk ook
nie om. Neê, 'oe zoue ze dat kunne wete, want de heren en dames
journalisten 'aodde (misschien op een ienkelen bie Omroep Zeêland
nae) de tekst van 't Handvest en van de provinciale anvraege glad
nie ingekeke.
Lobby
Om een belangrieke instantie nie te vergeten: de Provincie zelf. Die
ao z'n eige vastgebete in 't middel van de lobby, de cop^cten mee
't meêst 'eilige dat at er vo hedendaegse politici bestaet^de afgoden
van Den 'Aag, de Tweêde Kaemerleden. Volgens de mdde in 't pol-
letiek-correcte tiedpèrk, wier d'r ook zövee meugelijk biJnenskae-
noe nummer 20
mers g'ouwe. Wat as t'r precies besproken is tussen de Gedeputeer
de en de Kaemerleden en/of de staatssecretaris, wete me toet van-
daege an toe nóg nie. Direct contact tussen de toen bestaende
Commissie vo Dialectbevorderieng, de Wèrkgroep Erkennieng of de
Wetenschappelijke Adviesgroep en de 'oge dames en 'eren in Den
'Aag was eigenlijk nié de bedoelienge. Ze mochte alleên een keer
een zak mee 'andtêkeniengen gae brienge. Ik ao m'n eige daer ook
vo opgegee en ik bin ook meegeweest. Mae nie omda 'k er vo uut-
genödigd was, want een brieve mee een uutnödigienge 'eb fk nooit
gekrege en Marco Evenhuis ook nie - de andere leden van de
Erkenningscommissie wé. Ze waere op 't Provincie'uus zeker bange
da me tegen de Staatssecretaris zoue gae kettere of blaffe of zö.
Waerom kwam d'r trouwens een 'andtêkeniengenactie? Omdat de
Staatssecretaris ao laete wete dat n die mee zou wege bie z'n beslis-
sienge. Ja, ie wou zeker z'n 'anden nie brande an een conflict tussen
de opstellers van 't Europees Handvest en de Taelunie! De Provincie
Zeêland goeng dus braaf an 't werk om te doeen wat as de
Staatssecretaris gezeid ao - inplekke van te zeien: ons staen op een
correcte uutleg van 't Handvest en dan me gewoon recht op
erkennienge en wat de ménsen d'r van vinde eit er niks mee te mae-
ken. Mae ja, wien durft dat te zeien, ze zoue je 's ondemocratisch
kunne vinde, ee? Dat risico wil geên méns lope.
Me wete aollemaele 'oe of 't spul afgelopen is. ledereên dee z'n
besten: de gedeputeerde en de Commissaris, 't bestuur van de
Dialectverênigienge en de streektaalfunctionaris. De kwestie van de