Koeschorre storie 15*
Neivel (Schaopnbout)
De Koegorspolder ligt onder de roök van de febriek van Sluuskille. En wao
rook is, daor is vier. Oek onder Sluuskille. Hét vier van Koeieschorre weunt an
de Graaf Jansdiek. Neivel is z'n naome en onrecht z'n vieand. Ie wil't allemao-
le omkeêrn en rechte zetn. Noe dreigt 't onrecht in de Koegorspolder de geda-
onte van windmeulns an te nemen. Die bin lastig te bestriejn, schreef
Cervantes. Mao Neivel en de drie ge'uchten vol Koeieschorriaonn laotn d'r
eign nie bie de pakn neerzetn. Udder Schaopnbout offern ze nie op an de
it
Hongerige Wolf van de 'milieuvriendelijke' energievoozieningJOek a is bie-
nao 't 'êle land veroverd deu de windmeulns, d'r is dus toch npg een gemeên-
schapje da weêrstand biedt, 't Verzet z'n eign mee 'and en le^e tand tegen
die bende. Zet u - mao nie al te gemakkelijk - en lees.
Piet de Blaeij
Goeie morgn, buurman.
Noe geloof ik dat 't geneuk pas goed gao beginn in de polder. Bie
Win Win(s)d èn ze een andre directeur. Die docht dat ie mee geld
alles kon koöpn. Mao die 't deksel wel op z'n neuze g'ad, dienk ik.
Hutting 'eêt die. Waor at de dieen van Van Rooijen gebleevn zien,
da weet ik oek nie en of da wudder d'r op verbeetrd zien oek nie.
Noe moe 'k bie die naom Hutting astmao dienkn an een bunzieng
en 'oe at da komt, weet ik oek nie.
Affijn, die was t'r nog mao net en die wou graog een gesprek mee
de stichting. Een afvaordiging d'r naor toe om te luustern wa dat ie
te verteln ao. 'Heren', zei tie, 'Als jullie de acties stoppen krijgen jul
lie van ons zevenhonderdduizend euro.'
Toen mosten ze toch wè eevn slikn en taktisch wier d'r gezeid:
'Daovoo moeten wudder de achterban even raodpleegn.'
Een vergaodrienk uutgeschreevn bie Wilfred en wudder zien nao-
tuurlijk zo 'ard as een spieker en gezaamlijk vondn wudder dat ie da
geld maor in z'n reet most steekn, want we wiln 'êlemao geên
meulns en de mensn die a me vertegenwoordign oek nie.
Toen a we da per brief an urn meedeêldn, wiert ie pissig en begon
ons te dreign. leder maand da judder da geld weigern, gaot er
100.000 euro af.
t Za noe wè vérre op zien, dienk ik. Dan begont ie Wilfred oek nog
zwart te maokn in de krante en dan krieg ik 't ee. A je weet da
Wilfred nog geên cent gevroogn èt, 'oe kun je dan zegn da tie
noe nummer 21