Bamboes en Ko
- Aa, daèr me Ko. 'Oe is 't mee de man?
- Nie érger, zu me mae zeie. Jie nog een biertje? Piet, doet er 'ier
even tweê.
- Dus je kwam ook nog 's naè j'n ouwe café?
- 'k Was eigenlijk een stikje an 't fietsen, 't Landschap ee, daè raeke
'k nooit op uutgekeke. Mae 'k zag joe fiets stae en 'k docht: even
naè binnen.
O jae, 't landschap. Gha. Noe dienke 'k ineêns ergensten an. Ken je
mien tante Jo?
Je tante Jo? Die op da brommertje? Die is toch wè bie de tachentig
zeker?
Juust. En die kan ook zö geniete van 't landschap. Die komt een
jaer of-t-wat terug deur den 'oek tussen West-Souburg en
Koukèrke en daè leit zó een stik land tussen tweê waetergangen.
Een bitje 'ooge, net een diek of zö. Een mooien aevend, maentje.
Dus tante Jo zet d'r brommer an de kant van de wegt en ze dienkt:
daè moe 'k 's kieke.
Eit ze daè een stuitje op dat land gelope en gekeke, komt ze terug
bie d'r brommer... Staen daè tweê polities. En die frommele dat
ouwe méns zonder te zeien waèrom in ulder busje. Hup nè
Vlissienge, brommer mee en tante Jo in de cel. Om 'alf tweê of zö
'ebbe ze d'r thuus gebracht, mee brommer en aol. Ze 'aodde zeker
deur dat er iets nie klopte.
Bi-je noe toch nie wiesder? En waerom dan, eilieve?
Ja, dat weet ze nog aoltie nie. Ze ei weken last g'aod van d'r aerm,
want die 'aodde ze op d'r rik gedraoid. Tante Jo gae zö mae nie
mee een busje in.
Da's daerom noga de moeite. En dan zette ze overlesten in de
krante da je een proces an je broek kan kriege vo schaedevergoe-
dienge, a je een politie zeere doet. Dan bi-je goed af a je zuk soort
tegenkomt a je niks gedaen eit. Je za een bitje tegenwèrke en dan
mag je nog betaele ook.
noe nummer 22 I