Kwaed
Bamboes en Ko
En zeker in Vlissienge zou 'k mae oppasse. Daè schiene d'r een
paer bie te lopen die graog klapjes uutdeêle. Een jaer of vuuftiene
terug ao je d'r een stel die goenge wè 's afrekene mee gasten daè
as ze in diensttied geên grip op konde kriege. In burger dus. Die
gasten wiere even de broek gespoeld in de Schelde.
- Mae dat waere dan lui die as wat uutgevreten 'aodde?
- Dat wè, ze konde ze alleên nie te pakken kriege.
- Ook mae vreemd, mae dat ka je dan nog begriepe. Mae je tante
ao niks gedae.
- Neê, 'ooguut op boereland gelope zonder toestemmienge van dien
boer. Nie wildplasse, geên schaep meegenome, zomaè lope kieke.
- Meer au op straat. Piet, doet er nog maer eên, noe mag 't nog. Ko
ook nog eêntje?
I noe nummer 22
Corrie Kopmels ('s Graevenpolder)
As ze kwaed is
vliegt ze deur 't 'of
vloekt z' an de viever
'et snot van de hosta's
douwt ze driftig
den bek van de snoeischaere open
de kamme van d'oenders ziee zö rood as 'n krote
onder d' aerde maeke de tulpen een vuuste