Axel de Galgo
m
Leny Marteijn (Wasschappel)
Sins van de zeumer ons een Galgo. Jae,
dat is een 'ond dien a je nie vee ziet. En da
komt omdat 't een Spaansen is.
In Spanje bin de ménsen glad nie goed vo
beêsten. Van die stieregevechten ei iedereên
wè ehoore, mae van die 'onden is vee min
der bekend.
Een Galgo Espagnol is een wind'ond dien a
vo de jacht op knienen ebruukt oort. Ze ore
vreêd slecht beandeld. Ze zitte in te kleine
kotten en daè kriege ze vergroeiingen van.
Ze moete zö, vanuut zó een klein kot, zon
der spieren op te waermen achter de knie
nen an. Daè kriege ze
wi blessures van. Vange ze dan te weinig
knienen, dan kriege ze nog 's op d'r donder.
Vange ze glad nie goed, dan ore ze as vuulte
weg egooid.
'Onden die a ze nie mi moete mae die a
wè wat evangen die ange ze op. Degene
dien a nog wat epresteerd ei, dien mag an
een 'öge takke van een boom 'ange. En dien
a 't nie goed edaen ei, dien 'angt van onder
an dien boöm, zöda z'n achterpoten de
grond nog raeke. Zö 'angt n lange te stik-
ken. 'k Weete 't, 't klienkt vreêd, mae 't is
wè zö. En die 'onden die a ze as vuulte weg-
gooie, die gae gè-zwerve, nou dat is ook
geên goed leven 'oor.
Noe bin d'r gelukkig ménsen die a de zwer
vers opvange en verzurge. In Spanje bin d'r
verschillende opvangplekken en gelukkig bin
d'r in Nederland ménsen die a d'r eige 't lot
van die 'onden antrokke. Zöas Galgore-
homing in Schore. Da bin een stel geweldige
mensen en die 'aele zokke 'onden naè 'ier.
Om ze een nieuw leven te kunne gee. 'Eêl
wat beter as da ze egao Zö bin ons dus
an onzen 'ond ekomme. En ie ei noe een
geweldig goed leven 'ier op Wesschappel an
't strange en onder den diek.
't Bin natuurlijk 'onden mee een rotverleden,
mae a je daè een bitje gevoel vo eit en je
ken dien 'ond vee geduld en liefde gee, dan
krie je daè ook wi vee vo veromme. Dan zie
j' zö een 'ond van een benauwd en ver-
schrikachtig diertje in de loop van den tied
uutgroeie naè een lieve en
nieuwsgierigen 'ond. En dan gaet n z'n eige
wi as een echten 'ond gedraege. 't Kost vee
tied, dat wè, mae a je dat ei is 't biezonder
dankbaer werk.
Moch 'r noe ménsen nieuwsgierig ehore
wizze, kiek dan 's op
www.galgorehoming.nl. Daè stae vee over
dizze 'onden te lezen en te bekieken.
noe nummer 22 I
