Van Sint Joris en de Draok nao de H. Maria mee den inktpot
Jan Bruens (Aernburg)
Een monoloog deur Martha Calus, in maort 2006 opgetêkend te
Aernburg deur Jan Bruens. Martha is geboorn in Sint Joris ten Distel
in Vlaondern en weundn vanaf 'eur trouwn in 'Eille.
Agauw. Ik èn tot an m'n zeventiende jaor in Belgn op kostschool
gezeetn, een landelijke huis-en tuinbouwschool... (corrigeert zich)
een land- en tuinbouw huishoudschool. En dan zien 'k naor 'uus
toe gekomn en dan èn 'k nog een poos op een kasteel gewerkt voo
voo de kinders te zurgn. En dan bin 'k thuus gebleevn, wan mien
tante die wier altmaoran ziek. M'n vaoder was al gesturvn toen. En
tante wier altmaoran ziek. Dus 'k bin toen thuus gebleevn en, wè,
dan èn ik verkeringe gekreegn mee Fons.
Ik most naor een begraovinge van een neef van moeder in Siessele.
En da was een nonkel van 'ier van Van Bellegems en 'ulder moeder
was een Haverbeeke en die man was ook een Haverbeeke en daor
èn 'k ze ontmoet, zulder, zeg maor; en van 't eên kwam 't ander. Ze
vroegn 'oe of 't mee tante Lenie was en 'oe of 't mee moeder was
enzö en jao en 'k 'ad nog een vaoge 'erinnering d'r an da 'ulder vao
der nog op de begraovinge van mien opa gewist was mee een
motor. En da klopte, en jao, dan èn ze eerst bie ons gewist, op een
achtermiddag. Ze zaotn almaor te zaogn of 'k 'ne keer naor 'ier wou
komn en dan èn 'k eerst Fons z'n vaoder leem kennen. Bie Peet en
Guusta. Waor da noe Frits Bellegem weunt en gauw dan èn 'k ook
een keer Fons gezien, en jao, z' adn d'r ook over gepraot en op een
gegeevn moment is tie dan mee gekomn mee van Haverbeekes naor
ons toe. Mien moeder zag d'r wel een brokke heil in, en dan ben me
achter twee en 'n 'alf jaor getrouwd. Da was in '53.
Jao, in '53, da was toen 't jaor van de waotersnoöd ee. Want 'k
Oral history. Da's mondelienge geschiedenis. Je lae iemand
vertelle over z'n leven, over een bepaeld aspect daèvan (z'n
beroep, z'n kiek op diengen as de crisisjaeren of de Kouwen
Oorlog). Je stelt 's een vraege, je 'oudt n op koers. En je legt 't
vast. Liefst op band of zó, mae op papier kan oök.
Jan Bruens geeft 't goeie voorbeeld. Ie ei mee een buure van z'n
an de koffie gezete en eur laete vertelle. Daè wille me de kom-
mende Noe mee van laete ziee. Dus mensen: gaet 's op versite
bie iemand daè as je van weet dat 'n (of ze) goed kan vertellen,
ies ei meegemaekt wat a je anspreekt of bevobbeld een beroep
ei (g'aod) dat a de moeite is. 't 'Oeve gin eênst 's enkel ouwe
mensen te zien netuurlijk. Iemand die a in z'n schooltied as énig
ste punker van 't durp deu 't leven goeng, kan a net zö interes
sant weze netuurlijk.
Dus: op de koffie, lekker lulle, een bandrecordertje laete löpe en
naedien de boel thuus uuttype en ongefilterd en ongencesureerd
as kopij vo de Noe instiere.
I noa nummer 22
