Van Sint Joris en de Draok nao de H. Maria mee den inktpot
most dan naor 'uus komn mee die spuln.
Jao, 't was altied niet even gemakkelijk, dus dan èn me eigenlijk op
den duur gezeid: kiek, datte, da ligt d'r 'ier nie voorn om die melk-
koein altied nao de dingen te 'aoln, da gink nie. Awel, noe zou 't wè
gaon, maor noe doen ze 't nie meêr. Me èn toen overgeschaokeld
op jongvee. Geên kalvers mestn, mao kalvers kweêkn tot an ze
drachtig waorn an ze bienao giengen kalvern en dan verkoöpn, als
kalfvaerzn.
Dan zien d'r vele weggetrokn van bie ons naor Italië, naor Frankriek,
jao maor gauw, dat gienk goe. Me èn nog wè melk geleverd naor de
fabriek, maor gauw, eigenlijk op den duur zeien we: me doen 't nie
meer, me gaon geweun... wa da me èn van die twee koein, daor
kweêkn me de kalvers mee en verders jao, we mostn dan wè altmao
verse kalfjes koöpn, maor jao me konden da net zö goed doen alsda
we 'êle daogen mostn melkn. Da was ok niks. Dat èn me dan een
brokke zö gedaon.
Want ik most naotuurlijk ook vo de kinders zorgen en vo 't eetn en
wasn en striekn en pa deed 't land en de beêstn en ik èn altied vo de
vaerkens moetn zurgn. As t'r een zeuge most bign en as t'r wat
anders was, most 'k 't in de gaotn 'ouwn. De vaerkens waorn eigen
lijk meêr mien werk as van pa, en de kootn kuusn en al was oök
mien werk. Dan mocht ik oök gaern een overall antrekn.
En in 't land... jao, beêtn zetn indertied mee de 'and, dat 'eb ik oök
nog 'elpn doen, maor nie lange, want dan is dat gebrookn zaod gek
I noe nummer 22
omn ee, wat in kieme staot. Dat èn me dan oök gauwe gedaon. Ge
moest er dan maor een keêr mee de kapper tussen gaon an ze te
dikke stoengn, maor 't viel nogal vee mee dadde. 'k Èn dat maor een
jaor of tweê moetn doen, da beêtn zetn mee de 'and. Maor da was
zwaor werk. Dan wist je nie 'oe of da je 't 'ad as 't aovond was. Da
beêtnland was een hectaore of een hectaore en een 'alf. Pa en ik
werktn dao 's achtermiddags en overdag mee de kapper petje. A
gauw, z'n vaoder gieng oök altied nog gaon kapn zölank as dat ie 't
gekunn èt, maor op den duur gink da nie meer.
In 't begin 'adn we bienao niks geên mechines. 'k Weet nog wè da
ze nog indertied 'aver gepikt èn mee de pikke in 't eerste jaor da me
getrouwd waorn. Toen 'adn ze nog paerdn, jao tweê, en ze 'adn
'aost altied nog een keêr een veuln. Da was in de beginjaorn. En dan
zei pa tegen zien vaoder: 'Zuln wulder ok nie een keêr een trekker
