koöpn?' En dan is die trekker gekocht, maor da was eerst omdat dat
êne paerd, da was een groöt zwart paerd, maor da wier al ouwer
ee... En anders 'adn ze daor alle jaorn een veulen d'r van, maor da
gieng oök nie meê. Dan èn ze nog een jaor een paerd en een trekker
g'ad en toen èn me dat paerd ok weggedaon.
In '60 èn we de nieuwe stal gebouwd en daor was d'r nog plekke
voorzien vo een paerdnstal. Mao 't paerd èt nooit in die stal gestaon.
Dat èn ze geliek veranderd voor de kalfjes. Dan konden ze gerust
daor vier kalfjes insteekn, die kwaomn in plekke van die paerden te
zitn. Zö was dat dan.
We verbouwden sukerbeêtn, terve, geste en gos en 'aver en aerpels
en beêtn. Erwtn en boönn oök, die zien gekomn in de plekke van
'aover en van die gróte 'oeveelheedn gos. Want da was altied maor
gos en altied maor 'ooien en da was altied maor 't eên achter 't
Van Sint Joris en de Draok nao de H. Maria mee den inktpot
ander. Dan èn me geweun meêr weie geleid. Nu zaoin ze gos en ze
maoin 't en ze kuuln 't in. En dan laotn ze 't terug groein en dan
'ooin ze dadde en dan laotn ze 't nog een keere deure schietn en
dan èn ze nog een keer een snee voor in te kuuln. En zö doen ze da
noe. En dat 'ooi daor èn ze wee goszaod van want die eerste snee
moe g'ooid worn, omdat de tweêde snee beter goszaod geeft. En
dat goszaod kunnen ze verkoöpn en dat 'ooi èn ze ok nog. Da's
dubbelop. Maor jao,'t kost oök 'oor. 't Kost an mesststof en 't kost
oök tied en geld oök.
Maor de joengens zeggen oök: me zun d'r eigenlijk nie van kunn
leevn, maor ze zegn mee te gaon werkn en me doen 't nao ons
werk. Dan gaot 't wè. De joengens zien mee tweêe ee. Mee Fons
'adn we, ik denk al gauw een 'ectaore of achttien of twintig.
Tegenwoordig is 't alzó: 't moe al groöt zien. Maor de joengens èn
eigenlijk oök al noe d'r bie omda... da wulder uutgescheeën zien,
maor jao, da gaot zo ee. Ze èn eign land en ze èn pachtland.
In den tied mee Fons was er bienao geen contractteêlt. 't Is nog
gewist da we vlas gezaaid 'adn en da we dat vlas verkochtn waor
dat 't stond. Jao, zoveele voo die vlasse... Maor op den duurèn me
geên vlas nie meer gezaaid. Sukerbeêtn, da was al op contract, ee.
Zoveele gao je d'r zaoin, en zovele mag je d'r oök zaoin. Die wiern
mechaonisch uutgetrokn. Maor met de 'and uuttrekn, da weet ik
nog wè van in 't begin. Koeiebeêtn voo 't voer bin 'k oök nog wistn
'elpen trekn. En laain en losn. Want dan kwaomn ze naor 'uus 's
noe nummer 22 I
