Van Sint Joris en de Draok nao de H. Maria mee den inktpot
aovends mee drie voer beêtn en dadde mosten we dan losn in 't
beêtnkot ee. D'r wier verders nie over gepraot. Pa zei dan: joengens
we gaon d'r an beginn ee, a wè, mee een stik of drie viern en ze
waorn gelost.
Da bedrief da wulder 'adn was eigenlijk geen vetpot, maor we èn de
kinders allemaole fatsoenlijk kunnen opbriengn en ze zien allemaole
op ulder pootjes terechte gekomn. 't Verschil tusn vroeger en noe is
dat de risico's meer gespreid waorn. Ge 'ad vaerkens, ge 'ad koein
en kalfjes en ge 'ad taerve, ge 'ad gerst, ge 'ad een keer een brokje
vlas en ge'ad een eigen moestuun. Ge èd tegenwoordig as ze aerpels
zettn, 't moeten gemeetn zien. Vroeger zette je aerpels voo j'n eigen
en ge 'ad er nog een bitje voo in de verkoop te doen. Jao, da was
goed. Maor eigenlik, bie ons was brune boönn voo de verkoop,
erwtn voo de verkoop, taerwe voo de verkoop. Den 'aover was voo
de eign beêstn. Dus jao, ge èt dan nog een keer wat gerste, dat je
over'ouwt voo de zwiens en g 'ad een keer wat taerve wat of je
over'ouwt voo de kipn en voor 't eên en 't ander. Da was azoöe.
En maïs, daor praotn we nie over in dien tied. Tegenwoordig zet ze
gemeetn op gemeetn maïs, voo de koein voo voer. Dat èn wulder
nooit gedaon. Wulder zetn altied koeiebeêtn. D'r was vee werk an
en niet zo voedzaom oök. Maor die beêstn waorn d'r ook goed mee.
Jao. Maor maïs is een nogal kostelijke vrucht, maor ik zegn oök
altied: me kunn da nie meer terugdraoin geliek dat da gewist is.
Want vroeger was da rogge voor de vaerkens, geste oök voo de
I noe nummer 22
vaerkens, 'aover was voo de paerden en gepletn 'aover voo de kalf
jes, da wier oök gedaon, maor noe, dat is allemaol anders.
Wulder èn eigenlijk gauw overgeschaokeld. In de plekke van
'aover... Génen 'aover nie meer gezaoid... An me geen paerden nie
meer 'adn, zaoidn me geên 'aover oök nie meer. Dan zaoidn me
geste en dan wier die geste meêstal verkocht voor brouwgeste. Da
brocht meer op. En jao, wa most je. Taerve da zetn me oök. Daor
'adn wudder gerief van voo nao de meulen te gaon voor broöd van
te bakn, maor op den duur èn 'k dat oök nie meer gedaon. Je kost
net zo goe broöd koöpn Of da je dat allemaole nie doen of da me
