dat allemaole moetn doen... Van da me getrouwd waorn èn me
wudder geen broöd meer gebakn. Verder gieng alles taomelijk goe.
Op tied een zwien in de kuupe, en nooit geen ouwe zeuge, dat
deeën me nie. Da wilden me nie, enne jao/t is azoöe.
An me getrouwd zien 'aa pa juust vier gemeetn land gekocht, enne,
me èn d'r toen nog gepacht... bie kunn pachtn. En toen nog
gekocht oök naodien, die weie achter 't 'uus dat èn me eigenlijk alle
maole gekocht en dan ee, en dan nog een stikje. Achter da wulder
weunden, leit een stik land van drie gemeetn en die vrouwe wou da
verkoöpn en me èn 't gekocht. Dus jao me èn d'r nooit spiet van
g'ad da we da gekocht 'adn. Dus jao, pa 'ad van meet af an een
'êleboel pachtland. En van da pachtland wier oök de groötstn 'oöpe
gekocht, 't Was niet dat we zövee verdiendn d'r an, maor 't was
gewoon: ik won centn en 'k zagn ze liever in land als op de bank. Zö
was dadde. En 'k zei nog we gaon dat azoöe doen. En pa ok.
Maor Fons z'n vaoder die èt vee afgezien. Twee van z'n kinders
waorn nao vee ziek te zien an rachitis doöd. Fons 't al dikwijls
gezeid. Ie zegge: a je weet 'oe dikwijls ik als kleine joengen bie die
kleine kienders gezeetn 'eb an ze ziek waorn. Naost Fons was daor
Cyriel, den ousten, die is al doöd. En toen Madeleine, dan kwam
Fons en benne d'r tweê of drie achtermekaor doöd, meisjes, die 'adn
al Engelse ziekte, die meisjes. En die zien daovan doöd. Rachitis. Dat
is, 'oe noemen ze da, een gebrek an eiwittn enne jao... Ge weet wel,
da was een volksziekte uut dien tied. En die meisjes 'adn dat ok, die
Van Sint Joris en de Draok nao de H. Maria mee den inktpot
kleintjes en dat ene was 'aost twee jaor en dat andere... Ze kosten
dat as 'et waore zien van de eerste drie maonden dan ze dat 'adn.
Die bluufden nie leevn.
En die vrouw èt toen nog een paor keer een miskraom g'ad da ze op
't kantje, allee... Ulder moeder was een zwakkere soort. Da kwam
azoöe: zus en broer waorn getrouwd mee zus en broer. Dat zat zö in
mekaore. En in Fons z'n thuus waorn d'r oök en in ulderen thuus bie
tante Emma aa'n ze 't ok. Mao daor is t'r eentje doöd van kinderver-
lamminge, een meisje en die was al een jaor of twaolve, dertiene en
dat is uutgeleefd tot en met. Dat was al groot 'oor en d'r is t'r toen
noa nummer 22 I