Van Sint Joris en de Draok nao de H. Maria mee den inktpot
Om te werken in Duutsland ee. D'r is er eên dood an longontste-
kieng, opgeloópn in Duutsland en d'r is d'r eên dood van voorn in
de dertig,en dan was er eên die was gepakt eigenlijk en die is oök
nie were gekeerd, mao die zat oök in zö een kamp. Maar geliek ik
zeggen, 't is eigenlijk allemaole redelijk soepel verloöpn. Mao jao die
an me nie were gezien èn...
Jao in de oorlog van '14 tot '18 is er geên van al die gastn die an 't
front gezeetn èn... is er geên ene doöd. Ze mosten geên monument
zettn, maar toen èn ze een vrijheidsboom geplant. Mao meneer
Jean, da was een jongen van 't kasteel (van Sint Joris) die was vrie-
willig opgegaon, mao die is thuusgekomn zonder beêns. Jao, die zat
in een stroöhutte mee een machinegeweer en dat is in brand
gevloogn en ie was zo toegetaokeld. Zien beênn mostn afgezet worn
en dan kreegt ie kunstbênen, maar da was nie zö erg. Ie was vrede
rechter in Gent, dus die èt altied goe z'n kost kunn verdienn en ie èt
vee joenge kerels vrie g'olpn die nao Duutsland mostn. Ie èt daor
'eêl vee voor gedaon. Jao, vö de Lattenklievers.
Zö wiern die van Sint Joris genoemd, Latnklievers. Da's oök vobie.
Latn worn nie meer gekliefd, daor stonden altied vee latn. Da wier
gekliefd. Da mochtn ze nie zaogn ee: die piaster plakte nie ee, as 't
'out gezaogd was. De latn mochte wel rechte zien, mao ze mochten
nie glad zien en den 'elft van Sint Joris deed da. Naoder'and is dat
d'r uutgegaon, da ze meêstal beton storten in de gebouwen.
Dat is er gaondeweg uutgegaon. Dan zien d'r 'eêl veele dat naor 't
noe nummer 22
schoole gegaon zien dan. In '35/'36 is dat dan opgekomme a ze van
de laogere schoole afgiengen, da ze naor Brugge naor de vakschoole
giengen en ze leerden daor een stiel en te voorn was da nie. Da was
naor de boer of da was spletten. D'r was d'r wel is ene die in een
zaogerie werkte of zo, mao da was zeldzaom. Of scheepn lossn. D'r
wier ontzettend vee gelost. Scheepvaort 'ad je daor 'êle daogen an 't
Kanaol van Gent naor Brugge. Dan 'ad je af en toe van die slepers
mee vuuf schepen d'r achter. Stenen lossn, Rijnzand, kooln, pannen.
Da was een knooppunt.
St. Joris is altied een plaotske gewist die z'n eigenaardig'eden 'ad. 't
'Ad oök z'n uutspraoken en zoöe. In Sint Joris 'ad je een 'eêl oude
zaogerie en dan was er de boot en die vaorde van St. Joris naor Gent
en die vaorde oök van Gent naor Brugge mee passagiers, boerinnen
mee ulder beuter naor Brugge en anders naor Aalter, naor de markt.
Dat gieng al naor de markt toe. Op den duur is er dan een melkfa
briek gekomn en dat is mao net achter den oorlog weggegaon.'t
Was eigenlijk 't schoonst van al, die melkfabriek van Sint Joris die 'ad
altied eerste priezen wat dat de beuter betreft. As 't van St. Joris
kwam, wistn ze: Dat leit an 't waoter. En dat zeidn ze oök 'oor.
Goeie beuter, de beêsten ee. Waor 't waoter goe is, is de rest oök
goe en da waoter zit in de grond en da's belangriek voor de beuter
en de melk. Da's echt waor.
Sint Joris (de naome betékent landman) is altied een levendig dorpje
gewist. Daor kosten ze nog een keer tegen een grap en een grol.
Jao, die lattenspletters! As 't zaoterdag was, dan giengen ze gaon
