Eve naè Reve
Marco Evenhuis (Souburg)
"t Gaat goed, maar alle dagen bergaf'
- Gerard Reve
Gerard Reve is doöd en begraeve. Ie leit op een noga saoi kerkof an
de rand van 't durpje Machelen, tussen de grote weg van Gent naè
Kortriek en de rivier de Leie. 't Is feitlijk een soortje van 'overloöpker-
kof'angeleid tenden de jaeren '80 omda toen 't ouwe kerkof vol
raekte.
't Is t'r leeg. Gróte vierkante vakken rondom een cirkel. In mae tweê
van de vierkante vakken een paer reekjes foenkelnieuwe graeven. En
op de middenstip van 't kerkof stae een kruus.
De cirkel rond dat kruus is 't ereveld. Glad 'êlemaele leeg, op tweê
graeven nae. In Machelen vaol dienkelijk nie vee eere te b'aelen. Eên
van de tweê graeven is vo Gerard R. Je zou eên van de invloedriek-
ste schrievers van de afgelópe eeuw eigenlijk een flienk, Italiaans
marmeren grafmonument op 't ouwe kerkof bie de kerke gunne.
Mae R. zelf is vast stikkecontent mee z'n plekje in z'n troosteloze
erecirkeltje. Wou-n nie: ie leit er nest een joengen van zestiene die
omgekomme is toen at n een zwemdiplomalöze kleuter uut de Leie
wou redde. Ie was toet z'n gróte spiet vergete at n zelf ook zemdi-
plomaloös was. Noe leit n an de Leie. Mae da geeft aol niks, nom
Gerard za d'n wè troöste...
Je za d'r mae leie daè an de Leie... 't Ouwe kerkof van Machelen op de dag van de
begraevienge van Gerard Reve.
Om a Machelen net as Zeêland deêl uutmaekt van de Euregio
Scheldemond, om a Jan van B. 'De Avonden' minstens twaolf keren
geleze eit, om a Reptielenzoo Iguana in Vlissienge dien dag toch nie
open was en voraol om a ze g'ore ao van de schóne waerdinne in
Café Jeruzalem te Machelen, bin Marco E. en Jan van B. mae 's op
de begraevienge van Gerard R. weze kieke. Eve naè Reve. Zömae.
Een fotoverslag.
noe nummer 22 I
37
