Ie
H.-Vr
ook. 'Je ei sjans, Dirk', zeien ze. 'Gaot er op af en geef ze wa te
drienkn. Dan za je 's wa ziene'.
Dirk durfdn eerst nie zö goed. Ie aod eigenlijk nie zö vee ervaorieng
mee meisses. Da gaf alleên mao gedonder a je voer. En een tiep van
'in ieder stadje een ander schatje' was tie eigenlijk ook nie. Mao ie
wou z'n eigen voo z'n maoen nie laotn kenn en dus staptn ie op da
wuufje af en zei: 'Hallo, drink?'
't Wuufje en d'r vrindin mosten wè even giecheln om dien
'Ollandsen krullebol, mao ze zeien: 'Yes.'
Dirk stak z'n duum op nao z'n maoten, mao die rotzakn waorn a
weg. Zat ie dao mooi alleên mee tweê van die Engelse wuuven.
Drienkn konn ze goed, Tilly en Rose. 'Merry Chrismas', riepen ze bie
ieder rondje. Nao 't sluutn en een farewellkiss van beide ladies
strompeldn Dirk, mee z'n portemonnee leêg en z'n zakn vol, trug
nao de 'aoven.
't Waaidn 'aost nog 'arter as vanmiddag. Ie kwam nauwlijks vooruut.
Natte sneêuw striemdn in z'n gezicht. Ie kon goed merkn dat ie 't
nie gewend was om zövee in zö'n korte tied te zuupn. Gelukkig kon
die z'n schip nog wè vindn. Toen at ie de loopplanke op gieng, gaf
het schip een enorme zwieper. Dirk stuuktn van de planke in 't ies-
kouwe waoter. Ie ao nauwlijks tied om te schreêuwn. Versuft deu
den drank en verlamd deu de koue verdronk DK, nauwlijks 33 jaor
oud. Verre van 'uus in 't duustere Cardiff.
Dao ligt tie ook begraovn. Nooit ei m'n moeder een treurigere
Kestdag meegemaokt.
Of zou 't 'eêl anders gegaon zien 'k Weet 't nie. 'k Wil 't ook nie
weetn. Den dolk van noöm Dirk kan me vast nog wè meer verteln,
terwiel an 'k er mee aon 't werk zien in m'n 'of.
Noe nummer 22 I
5
