'Nothing', van de Mexicaanse kunstenaer Stefan Brüggemann.
tillefoon nie bie ulder wil anslute en of je nog andere stroom lust.
Geên sprake van dat ik dien man gae store. Neê 'oor, me lope deur.
Op 't strand zelf zien ik verder ook niks dan mensen die as eigenlijk
van niks geniete. Jae zelfs in de dunen is niks te zien.
'Niks kan vee betêkene,' bedienk ik as ik 't strand weer aflope bie de
Loage Duuntjes. Weer in 't bos realisere ik m'n eige dat goed
beschouwd 'vee eigenlijk niks betékent'. Je ei soms maer weinig
nódig, dat zag ik wè, daer op dat strange.
Aollerlei toeristische onderzoeken en anbeveliengen wiere deze mid
dag onderuut g'aele. Diere onderzoeken die as zeie dat er geïnves
teerd moet ore in de toeristische sector. Da me nódig moete groeie.
Niks
Mee andere woorden: actie noe en overaol. Sneller, luxer, 'oger, ver
der. En voor aolles: meer, en anders. As me temiste wille overleve in
deze wereld. Gauw de lege ruumte invulle mee vertier, anders dan
wacht ons de verkommerieng.
Dat is steeds de boodschap die as uutgedrogen oort deur Bobo de
Bouwer. Vooral deur de weeke as n an z'n werk is.
Mae die mensen op dat strand, ik kan nie gelove dat die dat wille.
Die wille volgens mien niks. Die wille uutruste en bekomme van drie
maenden werke en een doenkere winter. Lekker op d'r rik nae de
lucht kieke, waer of niks te zien is as wolken. Of een ende lope. Dan
pas gaet de jacht uut ulder lief en kun ze wir 'elder dienke. Alléén
dan kan je snappe dat er soms niks moe weze om mensen te trek
ken. Dat verzin je nie deur de weeke.
En a bleek dat uut een onderzoek, dan zou dat zeker nie opgeschre
ven ore in een rapport. Je ziet n zeker al ankomme bie de presenta
tie. 'Eêl de staf van den opdrachtgever in een zaaltje. Een beamer,
dien as prachtige plaetjes laet ziee. Zó een duren onderzoeker mee
een gelikten inleiding, dien as uuteindelijk mee een anbeveling komt
om voraol aolles weg te laeten. Pek en veren zou n kriege van iede-
reên, dat beloove ik joe.
Neê, 't moe gezeid ore: 'Niks is vee waerd'. En 't wor aolsmae meer
waerd as deur economische ontwikkelieng, de wet van de schaerste
z'n werk gae doe.
noe nummer 23 I