Reisleider
gaèt op j'n 'okken en laèt je waèterval mae komme.'
'Dat doe 'k nie.'
'Je za wè motten, want iets aars ei je 'ier nie.'
Nou, die mensen die an dat spulletje runden liepen 't vier uut d'r
sloffen. De koffie was nie om te genieten - ik was d'r a bange voe
eweest - mae 't bier was goed.
Commentaar in de bus: 'Noe èn me Frankriek wè ezien, daè gaè k
nooit mi naè toe.' D'r wier nog 'eêl wat over epraat en de meêste
dochtn a dat hotel ok wè zoiets zou zien.
Mae dat viel mee. 't Hotel stoeng in 't centrum van Chambery, een
prachtig historisch stadje in de Franse Alpen, bekend deur Hannibal
die a d'r mie z'n olifanten deur trok om de Romeinen te verslaèn.
Me kregen mooie kaèmers mie een badkaèmer en een modern toilet,
't Uutzicht op de bergen was schitterend.
't Eten was prima. Genoeg friet, groente en vlees, lekkere soepe
vorop. Ja, dat viel aal mee. Mae bie 't naègerecht wieren d'r vieze
gezichten etrokken. De gargon gieng rond mie een 'eêl plateau
Franse kaès, de mensen mochtn kiezen... Ie snee d'r dan een stikje
of, mae de mensen keken d'r 's naè, snoven d'r 's an en zeien: 'Doch
jie noe a ik die beschummelde kaes vrete? Geef mien maer een pils.'
't Kastéél van de 'Ertogen van Savoye (die van de koöle) in Chambéry.
I noe nummer 23
