Een aaren dag 'aan de mensen vrie en kondn ze de stad op eigen
gelegen'eid verkennen. Mae de meêste kwammen nie vadder as een
groot waren'uus dichtbie 't hotel. Vooral de vrouwen giengen daè
naè toe, de mannen zatten lekker op een terrasje mie een goed glas
bier voe d'r.
De dag daèrop aan me een excursie, over mooie Alpenpassen.
Sommige wassen d'r wat benauwd, maer d'r wier genote van dat
i
Reisleider
schitterende berglandschap. Onderweg verteldn ik eên en ander over
de Franse kaèssoorten, zöas de Rochefort, een lekkere schummel-
kaes. In diepe, koele grotten mie aaltied dezelfde temperatuur lig die
te riepen en dan groei daè een mooie, lekkere eetbaere en gezonde
schummel op. 'Probeer 't maer 's.'
En warempel, dat deeën ze. En ze goengen 't nog echt lekker vindn
ok.
In 't hotel was ok een gezellige bar en d'r stoengen allerlei spelen
voe de aevenduuren. De manager van 't hotel was een leuke kérel
die een fervent dammer bleek te zien. Toen a ie zag dat er van oöns
an 't dammen wassen, wou die ok een spelletje spelen. Ik gieng in
zien plekke achter de bar as barman - voe 't eerst en voe 't lest van
m'n leven, 't Goeng aarig goed en voe a me naè oanze kaemers
goengen, gaf de manager nog een rondje voe aal de mensen van
oanze bus.
Zö èn me in vee landen leuke diengen beleefd, 't Gaè te varre om
dat aal te vertellen, mae ik kan je wè vertelle dat ze een succes
wassen, de reizen van oönze winkeliersverênige.
noe nummer 23
