Jie
Rian den Haan
Ik zou je polsen wille pakke,
daerover wrieve. Zachtjes nae bove
tot j'w èllebogen en wir trug.
Ik zou God wille bidde:
Mag ik 'ier vor aoltied in 't zand zitte
en d'aertjes op j'armen voele.
Je polsen omvatte mee mien zochte 'anden.
Ee, 'oor jie die meêuwe schreêuwe?
En kiek 'ier, die schèlp
leit 'ier vor joe, doet 'm mar in je zak.
Je blaauwe ogen mee brandingen d'r in,
joew 'aer is klaer as de duunen
En joew lach klienk beter in mien oren
Dan wélke opgetogen meeuw dan ok.
20
noe nummer 23
