Strafbaer
Jan Zwemer (Oöskappel)
Ik zitte achter de computer en ik kieke op 't etiket van 't flesje
Grolsch dat a naest me staet. November 2006. Agauw vuuf maenden
over tied: da kan nét lekker weze. En ja'oor, 't smaek fantastisch. Een
bitje net as bokbier, zei mae. Beter as dat ka je ze nae nie Licht
belege blonde joengers van een fatsoenlijk mérk en dan ruum óver de
houdbaer'eidsdatum.
Ja, da's natuurlijk per ongeluk; ik drienke nie zö vee thuus en dan
krieg je da ze lank leie. Mae 't is toch ook een mooie maniere om vo
weinig geld iets lekkers te 'ebben dat as een ander nie eit. Aerremoe
zoekt list: ik kan 't in elk geval anbevele...
Kiek, in een café zou dat tegenwoordig nie meuge. Daè zoue ze
ongeveer verplicht weze om zó een kostelijk flesje deu 't gootegat te
spoelen. Een rotstreek ee? Mae van overheidswege verplicht. Net as
zövee diengen. As ik anstaende jaer wi 't strö van m'n kogelboöntjes
verbrande, net as overlesten, dan za 'k ook wè in overtredienge
weze. Huhuh. Dan za 'k óók nog even dienke an dat nieuwsbericht
van lee jaer. Wete je 't nog: deur de smooke van de Paesvuren in
Duitsland en 't Oosten van Nederland, was in Nederland bóven de
rivieren een 'alven dag de lucht rokerig. Dat moogde natuurlijk wè,
dat was een oud gebruuk. Ae noe, dat is 't verbranden van 't strö
van mien kogelboöntjes ook. En nog nuttig ook, wan 'k ao boontjes
d'r van - dat ka je van die Paesvuren nie zeie.
O, bin 'k noe strafbaer? Anzette toet burgerlijke ongehoorzaem'eid?
Viertje stoke mee Sint-Jan ('ier zö'n vier in Breux - Lotharingen) is folkore, mae j'n
eigen böneströ verbrande zou een misdrief weze...
Of toet strafbaere feiten? Opjutte van brave Zeêuwen? Ondermijne
van 't over'eidsgezag? Eigenlijk terrorisme?
M'n flesje is driekwart leeg. Mmm, toch maer een bitje anziee: m'n
maege vindt 't ietewat schérp. Nie 'êlemaele verkeerd, da ze d'r een
einddatum op zette. De leste slokjes doen 'k langzaem, da's beter vö
de smaeke ook.
Jammer eigenlijk, da 'k van m'n brune boontjes nie 's een soort bier
noe nummer 23 I
