Online encyclopedie
in't Zeeuws
Wouter Steenbeek (cyberspace)
Wie at er beschikkienge over internet eit
- en wien eit dat noe nie vandaeg den dag -
gebruukt 't gewoonlijk dikkels om naè feiten
te zoeken. Over naebie aolles is wè wat te
vinden, soms meer as da je nodig ei.
't Za de verstokte internetters zeker al is
opgevalle weze 'oe dikkels je bie de eerste
tien resultaoten de naem van Wikipedia ziet.
Da's een vö eiken internetter vrie te gebru-
ken encyclopedie op 't internet, die-a 'eêl
den tied angroeit deu toedoeen van... die
zelfde internetters, 't Mooie van Wikipedia is
naemelijk dat iedereên d'r zelf an mee kan
schrieve, zö vanaf z'n eige computer, 't Kost
glad niks en je 'oef t'r niks vö te doeen as
schrieve. En kennisse van informaotica is ook
nie van belang: je 'oeft er geên program-
meertaele vo te kennen.
't Oor nog vee mooier. Van de meer as
tweê'onderd Wikipedia's die a d'r noe bin is
t'r ook eêntje in 't Zeêuws. 't Is nog maer
een 'eêl kleintje, mee op 't moment 127 arti
kels. Mae da's noe juust zö gaef: om-at er
nog zö weinig staet, kan je nog vreêd vee
zelf uutmaeke. 't Idee is dat iedereên die a
geïnteresseerd is, over z'n eigen expertise
schrieft. Dat kan bievobbeld geschiedenisse
weze, of natuurkunde, of taelkunde of Azië.
Maer je kan natuurlijk ook schrieve over 't
durp daer a je op weunt, j'n hobbies, je
beroep. Op den duur, as t'r meer schrievers
langskomme, raeke dan aolle informaotiege-
bieden langzaeman beschreve, en mee den
tied groeit de Wikipedia dan uut toet een
flienk naeslagwerk.
Je voelt n a ankomme: me roepe lezers en
schrievers van Noe op om te 'elpen. Zö a 'k
a gezeid 'ebbe, is de Zeêuwse Wikipedia nog
vreêd klein. Me doeë ons besten, maer toet
noe toe bin d'r feitelijk maer 'eêl weinig
frequente gebrukers. Zelf bin ik geên echte
Zeêuw en moe 'k stikvee moeite doee om
goed Zeêuws te schrieven. Bovendien 'k in
m'n eêntje ook nie overaol verstand van.
Daerom bin aolle sprekers van 't Zeêuws
stikke welkom om ook bie te draegen an dit
project, 't Is stikke gaef om j'n eigen tekst zö
op 't internet te kunne zetten, geliek vö
iedereên zichtbaer. Bovendien 'elp je de
Zeêuwse taele mee sproengen voruut: zö is
t'r nog naebie niks in 't Zeêuws op internet
te lezen en zö staet er een 'eêl boekwerk! En
zö a 'k a zeide, is Wikipedia vö iedereên
geschikt, of je noe mee computers ver
trouwd bin of nie. Iedereên die Zeêuws kan
en wat weet, mag meedoee!
De Zeêuwse Wikipedia is te vinden op
http://zea.wikipedia.org
Noot van de redactie:
'Iedereên die Zeêuws kan mag meedoee', schrieft Wouter
Steenbeek. Mae van meerdere mensen krege ons bericht
over de taele op de Zeêuwse Wikipedia. Die zou amperan
Zeêuws te noemen weze. 'Walchren' vo 'Walcher', 'Wête'
vo wete (mee de eê uut steên), veur vo vo/voe (veur kom ir
't Zeêuws nie vo), 'miense' vo mensen en gae zö mae deur.
Klanken die nie kloppe, woorden die nie kloppe en dialecten
die deu mekaore g'aele ore.
't Gae dus nie over de spellienge wè over fouten die a een
'native speaker' nooit zou maeke. En da doe de geloöfwa-
erdeid van de Zeêuwse Wiki gin goed. Zömae een puntje
van aandacht. De naerstigeid d'r mee! En succes!
noe nummer 23 I