Dweepzieke ieveraors
Jan Bruens (Aernburg)
'Ier, in m'n eign stad Aernburg, die 'eur plekke op de kaorte ruum-
schoots verdiend èt vanwege 'eur bewoogn verleedn, geevn verande-
riengen in de anklêdieng nie vee moed. Wat is 't geval? De stad èt
alleên nog toekomst mee kunst en gedichtn. Wier d'r gezeid...
't Resultaot? Iedere denkbaore wandelplekke stao vol mee gedichtn
uut den 'eêln wèreld. Gedichtn uut Duutsland, uut Engeland, uut
Griekenland, uut Iran, uut Aofrikaonse landn.
Gedichtn in alle soortn en maotn. Op kunststof paneeln, doekn,
'oute paneeln. De gedichtenfaonaotn zien schienbaor de Zêeuwse
taole vergeetn, en in ieder geval is t'r geên Zêeuwse dichter in veldn
of weegn te vindn. Ze mostn e keê weetn da de inweuners van
Biervliet droöge kunn weunn mee dank an inpolderaor en Zeêuws
dichter Jacob Cats uut Brouwersaovn. Een echte grote geêst en
bewonderaor van de gróte humaonist Erasmus van Rotterdam. Cats
was, b'alve inpolderaor, raodspensionaoris, dichter en volksopvoeder
ook bevriend mee de familie Huygens. Oök goeie opvoeders, want
Christiaan Huygens 'ad zien kinders op ongedwonge wieze, mee
zand as lesmaoteriaol, 't schrievn biegebrocht. En mee de knopn van
'ulder buusje leerdn ie 'ulder 't muziekschrift.
In zien geschriftn roemde 'Vaoder Cats' dezen uutvinder van 't slin
geruurwerk en de ontdekker van de ring van Saturnus, maor daor
nevest zien broer Constantijn Huygens, compagnon van Cats bie de
inpolderienge van Biervliet. Dien Constantijn 'ad zowaor een gedicht
gemaokt over Aernburg, en nog wè in 't Rampjaor 1672.
Omdat schienbaor de gedichtnliefebbers in ulder iever de stad vol te
sturtn mee tekstn uut verre landn, onze Constantijn over 't 'oofd
'ebben gezien, èn m'n eign kinders Constantijn Huygens an de ver
getelheid ontrukt. Naost de deure van m'n 'uus kan je noe leezn:
OP HET KLOECK VERWEEREN DER STEDE AERDENBURGH TEGEN
DE FRANSCHEN
Waeck op, flauw Holland en gij lauwe land-besorghers,
Om onbesweken deugd voor desen hoogh geacht:
Herschept de ouden moed,
Vertrouwt des Heeren macht,
En siet wat die vermagh
Alleen met Aerd en Borgers
(1672)
Vorig jaor kwam nie alleên de vogelgriep in ons landje (mee as
gevolg da m'n 'oenders tot meie gekampeerd 'èn onder blauw plas
tiek), maor beleefde oök 't 'culturele Aernburg' een dieptepunt.
Onder gróte belangstellieng wier d'r een 'monument' ontuld van ons
eign versie van Kaat Mossel of Kenau Simonsdochter Hasselaar, 't
'Erinnert aon 't 'eldaftige verzet van Aernburg teegn een Frans leger
onder leiding van êne Margereta Sandra.
't Armzaolige kitchbeeld, schroöt'oöp of watje 't wil noemn, wor
noe in rap tempo afgebrookn. Het beêld, neergezet door bejaorde
noe nummer 23
