2. Ziek
eêst e keê een paor foto's getrokn van de uuln. En dan de volgende
morgen 'èn ik ze in metaolgaois verpakt en ter aorde besteld 'ier bie
mien achter in den 'of. Dao za-tie preparateur nog raor van staon te
kiekn at ie 't zou weetn. As een uul op een kluute, zogezegd.
'k Waor almaoran an 't teêkenn gewist. Veertien lange daogn 'ad ik
zitn werken an de twidde têkenieng van 't drieluuk mee de titel
'Death Valley'. 'Noe zien 'k 't kotsebeug', zei m'n vrouwe toen ze 't
nie meêr trok. 'Pak je vouwmes en je sjakos'. 'k Wist geliek wat an
de bedoelieng waor. Ze wou d'r uut. Reisdoel: 't strange van de
Groe. Missie: creuzes steekn.
Een 'alf uurtje laoter waorn wudder wee tuus mee een zak vol. Een
deêl wier rauw geconsumeerd en de rest wier in kokend waoter
gepocheerd, ledereên wee bliee. Maor impersant zat ik toch almaor
te dienken an die leste têkenieng van 't drieluuk. 't Most d'r eên
worn mee gedroogde blommen uut de tuun zoas oöst-indische kers,
madelief, klaover en een paar kleine doödskopn d'r bie. Maor eêst
en voral waor de gevel van ons 'uus an de beurte. 't Werk was op
tied klao, mao echt genietn was t'r nie bie.
En nao 't schildern begost mien gezicht op te zettn. De waln onder
m'n oögn waorn dikke as paaseiers. M'n vel begost te kraokn. Nao
't Onvoltooide drieluuk (en andere ver'aoln)
een week ellende verdweenn alle symtoömn wee. Mao 't plezier
waor van korten duur. Noe was 't pien in mien nek en nie vee laoter
kost je spreekn van een dikke nek. De pien wier almaoran erger.
Pijnstillers vrat ik gliek smarties. Ik kost oök biena nie meer beweegn.
Van de geraodgpleegde dokter van de 'uusartsenpost kreeg m'n
vrouwe te horen: waerm 'ouwn en pijnstillers neemn. Een belachelijk
advies, bleek laoter.
noe nummer 23 I
