m'n ge'eugen vertoonde gaotn. Op een bepaold moment 'aan 'k
gedocht da 'k de kraoinmars zou blaozn. De andoening was zeer
bedreigend gewist, 'oördn 'k laoter.
Iedere dag zat ik dao in dat ziekn'uus te leezn in de koran, alle tied
tussen eten en de bezoekuurn. 't Viel op en mensen wildn weetn
wat a noe 't verschil was tussen de koran en 't ouwe testament. In
veertig zinnen kost ik 't uutlegn. 't Eêrstgeboorterecht speelt een
belangrieke rol en verder neemn de moslims de christenen kwaolijk
da God uut drie deeln bestaot. De Vaoder, de Zeune en de Heilige
Geêst. Een dogma, totstandgekoomn onder Constantijn de Grote op
't consilie van Nicea in 't jaor 325. Volgens de moslims een ernstige
dwaolieng. Want god is alles en kan geên zeune 'èn. Oök joodn
kriegn d'r van langst in de koran, 't Uutverkoorn volk 'aa geweigerd
Mohammed als leste profeet te erkennen. Mee grieze baerd en
koran in de 'and.
Da waor voor de meêste uutleg genoeg en as er oök nog ansicht
kaarten arriveerdn van de minaret van Hussain-i-Baiquara uut Herat,
Afghanistan, waom de religieuze raopn gaor. 'k Liet iedereên maor
in de waan. Impersant wier 't ziekn'uus bezocht door de MRSA-bac-
terie. Gezellig. D'r wier een opnaomestop afgekondigd. Iedereên,
niemand uutgezonderd, most wangslijm en en ander materiaol afge-
evn om te kiekn of an d'r meêr mensn deu de bacterie besmet
waorn. Da bleek nie 't geval. Gelukkig, want die bacterie kan gróte
schaoi veroorzaokn bie ouwe en zwakke ménsen.
't Onvoltooide drieluuk (en andere ver'aoln)
M'n 'erstel gieng rapper as gedocht en nao veertien daagn koran
leezn was 't boek uut en kost 'k terug naor 'uus. Met m'n aerm zou
't al goed komn, nao een langdurig revalidaosieproces. Thuus wier 'k
toegelachn deu de schedel van een koebeêst.'t Delft Blauwe bord
mee de pielen zag juust 't zelfde uut as vroeger. Ik was wee thuus.
Ik liep den 'of in en 'aolde de metaolgazen verpakkiengn mee daorin
de restantn van de begraovn kerkuul en poepuul boovn. Nao een
grondige wasbeurte lachtn udder doödskopn me toe.
Nie vee laoter was 't braderie in Aernburg. M'n vrouwe was gaon
kiekn en kwam terug mee 'eur vangst. Ze zeg: 'Jan, ik 'èn wa voo je
gekocht, 't Is een boekje uut de jaorn vuuftig. 'Verzamelen en prepa
reren van dieren' deur êne Georg Stehli'.
Zo snel as meugelijk za'k noe verdergaon mee deel drie van mien
onvoltooide drieluuk.
noe nummer 23 I