Noe dan
Marco Evenhuis (Souburg)
Een jaer eit 't geduurd, om deze Noe te produceren. En das negen
maenden te lank. Noe nummer 23 bevestigt de regel van de leste
jaeren: 't blad zou gerust 's vaeker meuge verschiene. Dat wete me.
En dat wille me ook wè. Mae 't is 'eêl simpel feitelijk: a t'r gin kopij
binnenkomt, vaolt er weinig te publiceren. En a mensen ulder abon
nementsgeld nie of nie op tied betaele, geldt 't zelfde.
En da's percies wat at er an den 'and is mee Noe: me kriege mae
weinig artikels, veraelen en gedichten binnen. Laete me daerom 's
wat afspreke. Aolle schrievers die a ooit vo de Noe geschreven 'ebbe
(en da bin d'r tientallen!), schrieft noe vo 't ende van de zeumer 's
wat. Daè kunn ons wi een paer nummers mee vooruut.
Peter Verdurmen, wae bin je fotoreportaoges gebleve? Lou
Vleugelhof, me misse je veraelen en gedichten. Cees Maas, journalis
tiek in 't Zeêuws: jie kan 't. Frank Tazelaar, toch nie gestopt mee
experimenteren mee gedichten op z'n Cezands? Maartje Stuut, Bram
Willeboordse, Eric Rotte, Peter Dieleman, Adrie Oosterling en aol die
anderen: schrieft! Een kleine duzend lezers wachte d'r op.
En daenaest moete me dikkels 'eêl lange op onze centen wachte van
een groot deel van de abonnees. Een drukker kan de kosten van t
maeken en verzende van 1.000 stuks Noe nie zömae op de lat
zette netuurlijk. Die wil beuter bie de vis. En terecht.
Daè ku me ook wè wat over afspreke. A ons noe saemen mee aol
die schrievers die a 'k noemde noe 's zurge a Noe nummer 24 d'r
noe nummer 23
'eêl rap is, zurg jie dan as lezer da je je abonnementsgeld netjes op
tied betaelt. Want naebie den 'elt van aolle abonnees eit dat de
afgelöpe keer (nog) nie gedae. Op dat geld wachte me dus a sinds
vojaer 2005!
Dus schrieve en lammere. Afgesproke? Noe dan. Dan ei jie vo de
herfstvakantie ei je nummer 24 op je matte.
En Noe leze!