Kinderjaeren
Jaap Liek (Zonnemaire)
Midden in de winter wier ik vroeg in den ochend in de bèstie ebore.
Ik kwam nogga vlug. Toen m'n vaoder, in de donkere, kouwe nacht,
op z'n fiets nae 't buurdurp ree om de nieuwe, pas gevestigde dokter
te 'aelen, glee ik schreêuwend de wèreld binne. Vanwege de winter
kwam 'k terechte op een molton onderdeken.
Tot grote verbaezieng van m'n vaoder trof n, nae terugkomst van z'n
fietstocht, een soort lammetje an naest z'n vrouwe, 't Bleek z'n mit
katoenpluus beplakte zeune te wezen.
De eerste tied leefde ik zóas gebrukelijk 't dierlijke leventje van een
baby. Problemen mit de voeding gienge zonder een spoor in m'n
g'eugen achter te laeten an m'n verbie. Op een foto zag ik er nae
een 'aolf jaer, in de zomer van 1930, welvaerend en kael uut. Dit ao
'k te danken an poeiermelk uut een blikje, 't 'Eêtte Omnia volgens
m'n zuster; 'k most 'r wè vee van spiee mar ik kreeg toch genoeg
binne.
Mien eêste 'erinnerienge is een deure mit een klein raempje. Dit
bouwonderdeêl zit in m'n geheugen egrift. 't Wier vasteleid tiedens
m'n eerste grote reize, vermoedelijk in de zomer van 1931. Mien
moeder stamde naemelijk uut een gezin mit negen kinders. De meê-
ste broers van d'r, ao d'r geluk buuten Zeêland ezocht. Ze ao een vö
dien tied goeie opleidieng op de Ambachtschoole aod en waere as
tummerman of as messelaer noödgedwonge uutezwermd.
I noe nummer 23
Eên van d'r broers woonde in Rotterdam, de makkelijkst bereikbaere
grote stad vor ons ênigszins S-vormige eiland in 't noorden van
Zeêland. Je stapte een paer 'onderd meter van 'uus in de stoomtram.
Die sliengerde z'n eige schommelend, rokend en fluitend van west
naer oöst over 't eiland. Je most dan in Ziepe op de boot nae
Numansdurp. Nae zö'n tweê uren vaere, ok meêstal wi schomme
lend en mit de nodige rook en stoöm, mos je dan opnieuw vö een
paer uren de tram in.
Op 't station in de Roosestraete kwam d'r een end' an de uren
durende RTM-reize en stapte je over op 't plaetselijke RET-vervoer;
de Electrische Tram in plekke van de ons zö bekende Stoomtram.
Overdonderd deu de drukte, de vele 'éren en mevrouwen, de Maes-
bruggen, 't Wit 'Uus en de wienkels van de Nieuwe Binnenweg,
kwaeme m'n bie 't 'uus van m'n oome en tante.
B'aolve dat raempje in een alkoof van dat 'uus 'erinner 'k me 't kner
pende gepiep as de tram vlakbie ons tiedelijke verbluuf de bocht
omgieng.
Ok uut die periode is d'r nog een foto over'ebleve: bie m'n
moeder op d'r aerm in de dierentuun. Volgens overleveriengen 'k
daer ontiegelijk ebruld toen een olifant in de buurte 'ard begon te
trompetteren, 't Was binne, en de olifanten krege net eten; as ze dan
trompetterde klonk dat flienk 'ard.
Een aore belevenisse stae m'n ok nog vaeg bie toe m'n gienge
logeere bie een aore tummerende oome in Ooltjesplaet. De reize dae
nae toe gieng ok wi per tram en veêrboöt. Vödat j' aors in