Numansdurp geriefelijk an de wal kon stappe mos je vö De Plaet een
'aolf uurtje eêrder van de boöt of. As 't tie meezat, kon je dan anleg-
ge an een steiger bie 't durp zelf.
In ons geval was 't leêg waeter, zodat je midden in 't 'Ellegat op een
vletje most overstappe. Geên leutje voor een kleuter die nie zö op
waeter esteld was!
De leste reiservaerieng uut die periode was die nae, 'oe bestaet 't, wi
een tummerende oome: een broer van m'n vaoder, die in Souburg
op Walcheren woonde. Dat was ter gelegeneid van een evenement
op voetbalgebied; onze trots, Zonnemaere 1, most erges op
Walcheren spele. 't Transport was in zövarre spectaculair vö mien dat
't eerste deêl wier of'eleid in een vrachtwaegen. Vor een daegje nae
Vlissinge mos je in 't 'olst van de nacht ofvaere vanuut Brouwsaeven.
Inmiddels was ik, dienk ik, a zö gewend eraekt an 't vaerend trans
port dat ik me d'r varder weinig mi van 'erinnere. Zukke transporten
gienge toen mit een schip dat toevallig vor'anden was. Dat waeren
in ons gebied beurtschippers en vissers.
Een bekend verael uut deze periode gieng over een muziekconcours
in Oudurp op Goereê. Gelukkig ao, deu 't ontbreken van familie in
dat gebied, alleên m'n vaoder an die reize van Brouwsaeven naer
Oudurp mee edae. Deu de waermte mit dat zomerevenement was
der redelijk wat bier nae binn ewerkt. De roerganger was daedeu op
de terugreize even vergete dat er tussen aolletweê de 'aevens de
uutgestrekte Veermansplaete lag. Ondanks 't volledig ontbreken van
commenecaotie tussen wal en schip, 'oefde geên mens ongerust te
wezen. In de broeierige zomernacht dronge vanof de boöt flarden
valse muziek nae de zeêdiek deu. Uut'eput, mae mit een onvergete
lijke ervaerieng rieker, kwaeme de muzikanten de volgende dag wi
thuus.
Zukke reizen van m'n vaoder viele altied saeme mit de Bommeneêse
mart, dat waere naemelijk z'n twêe énigste vakantiedaegen in een
'eêl jaer. Dikkels as ons (m'n moeder mit d'r twêe kinders) ok mee-
gienge, reisde m'n meêsta voruut of m'n bleve wat langer.
De vervoersmogelijkeden vanof ons eiland waere vö die tied erg
modern, 't Was zelfs op'enome in de vliegroute Rotterdam - Knokke.
De vliegvelden 'Aemstie en Souburg waere tussenstations.
noe nummer 23 I
39
