Bamboes Ko
Heuj Ko.
Aah kiek, je bint er ook wi 's een keer. Op 't fietsje zeker?
Da za wè moete ee, de bus is opgeheve, dat weet je.
Piet, doed-'ier dien aermen man een pilsje van mien...
Over de bus gesprake... Ei-jie 't wè 's meegemaekt dat er een bus
terugree?
Terugriee? Je moe aoltie een bus terug da's zeker.
Neê, da bedoele 'k nie. Omdraoie, dat de bus gewoon omdraoit.
Kiek, ik kwam fleweeke uut Vlissienge. Mee dien bus die over
noe nummer 24
Koukèrke riedt. Me rieen daer deur 't durp zonder dat n stopt. Dan
krieg je die rotonde bie de meulen en ik docht a, da schiet lekker op.
Wa doet dien chauffeur? Die draoit dien rotonde 'eêlemaele rond en
die rie gewoon wi terug.
Ja, bin jie zot!
Jae, ik docht ook: wat zu me noe kriege... Affijn, bin me naebie deur
Koukèrke, loopt daèr een ouwer wuufje op 't trottoir. Dien chauffeur
stopt, doet z'n deure open en zeit: Komt er maer in 'oor, je was
zeker een bitje te laete?
Jawoor. Da gae noga.
Jae, da's nog 's service ee. Da bestaet ook nog tegenwoordig. Dien
chauffeur ao d'r zie lope en die docht: o, die 'aele 'k nog even op.
Dus die riee verder toet dien aoren rotonde, op de wegt naè
Vlissienge, daè draoit n wlr 'eêlemaele rond en dan reeë me vö de
derde keer deu Koukèrke en dan zö deur naè Stad.
Da's nog 's mooi. Mae wier d'r nie gemopperd in de bus?
Neê glad nie, iedereên von 't mooi volgens mien.
Dank je Piet. Aa, dat eerste slokje is toch lekker ee. Proost Ko!