Toen, begin februari 1953, wier de situatie een spiegelbeeld van die
van 580 jaer gelee. Wae toen waeter was bleef 't noe droog en
omgekeerd. Dieken die in al die eêuwen geên waeter 'oefden te
keren, krege d'r noe volop mee te maeken en dikkels nog van de
verkeerde kant ok. Vooraol de Schouwse diek, de vroegere oostelijke
zeêdiek van Schouwen, kreeg 't zwaer te verduren en r]fiost op z'n
steile kant noe de golfanval opvange bie sturmen uut Westelijke rich
ting. Mit militairen, dekzeilen, perkoenpaelen en zandzakken konde
m'n bie een sturm even vor Paese de zaek net redde, v
't Diekwaeter, waevan eigelijk nie meer over was dan èen klein geul
tje tussen schorren, speelde nog eên keer een kwaelijlre rolle in 1953.
De in de luwte gelege dieken d'r langs waere niet berekend op zo'n
Dienke over dieken
'öge waeterstand en braeken op verschillende plaessen deur. Omdat
ook an de Zuudkant van de Vierbannenpolder de diek te leêge was,
stroomde die polder van tweê kanten tegelieke vlug vol en verdron-
ke 'onderde mensen in Capelle, Nieuwerkerke en Ouwerkerke.
Langs de Braekman waere ze gelukkiger; dae was in 1952 28 km
zeêdiek gedegradeerd tot binnendiek. D'r zeêwerende taek was net
op tied overgenome deur een ofsluutdiek van net 2,7 km lengte.
Saeme mit de afsluuting van de Zuderzeê, waer ik dit stikje mee
begon, bin dit wel de meêst sprekende voorbeelden van het grote
belang van kustverkorting.
In de jaeren direct nae de Ramp wieren de overbluufsels van midde-
leêuwse geulen of'eslote, zoas 't Diekwaeter zelf en op Tholen de
Pluumpot. Mit de ofsluuting van de Zandkreek en 't Veerse Gat was
zodoende de lengte van zeêweringen in Zeêland flienk verkort. De
vardere kustverkortingen vanof de Oósterscheldekering tot en mit de
Maeslantkering brachten laeter nog veel meer veilig'eid in de Delta.
Tegenwoordig wille ze mit ontpolderen van bievoorbeeld 't Zwin
juust de andere kant op gae. As je m'n verael 'ier bove goed gelezen
eit, zu je begriepe dat ik dae een tegenstander van bin en van
bluuve...
Wie d'r meer over wil wete, kan op m'n webplekke http://oostgat.googlepages.com
terechte. Ik gae daer op eên en ander dieper in.