Jawö!
Marco Evenhuis (Souburg)
Jawö, 'ier ei je n wi. Da me zelf g'oöpt aodde dat n d'r eerder zou
weze as noe, dat meuge me inmiddels as bekend veronderstelle.
Maer ie is er. En dat telt. 't Kommende nummer is zelfs a zowat 'aolf
gevuld, dus 't begint er op te liekenen a me d'r wi wat gank in
kunne kriege.
Nummertje 24 bliekt een taemelijk kritisch exemplaer g'ore te wezen.
Of schrief je, as 't kritisch bedoeld is, kritisch as krities? De EU ei
Ierland verpest, Randstedeliengen bin slecht in integreren (oök in
de Randstad zelf), kritiek op de koran slae nergest op en 't beste van
't beste uut de wèreldliteratuur vin je in de biebel. Applaudisseer of
fulmineer - joe mêning is netuurlijk net zövee waerd as die van de
schriever. Taemelijk weinig dus.
Verder in Noe: een tournee générale van Bamboes Ko, Siemen
Janse eit een band mee maïs riee, mee Jan Lauret op de platte karre
deu 't durp (en je 'oef t'r gin eênst 's vo in de osseweie), achter d'ae-
ge mee Jan Zwemer, de dinne schelletjes van Willemina d'r opa, de
winterteêën v^n Corrie, de fata morgana van Arie (zö zot as een
witte juun), de Gulden Sporenslag van Jaop en, ja\fel, nog vee meer.
Bie 't volgende nummer gae me trouwens wi méafle pette rond.
Dan is 't wi tied om j'n abonnement te betaelen.pan weetje dat
avast. De vorige ronde nog naebie 200 abonnejjs nie betaeld, dus
me gae d'r ietsjes meer achteran zitte. Noe maek gin winst - 't is
I noe nummer 24
pure liefhebberij. Mae me moete de drukker en de post wè kunnen
bluve betaele, ee. Giften bin aoltied welkom trouwens. Net as nieu
we abonnees.
Vo Noe: de naerstigeid d'r mee! En 't plezier! En vo 2008 van 't zelf
de netuurlijk; de naerstigeid, 't plezier, de gezondeid, de rust en
voraol oök: wel bekomme 't je!
