POSTKOE€
Qnoeten uit....
Oh ja
Vrom nï vroeger
Ko de Jonge
Wie zwijgt stemt toe
wie leest wordt moe
wie knipt zegt: doe
Nieuwe abonnee
Adres
Postcode en plaats
Dit abonnement betreft mijzelf/ wordt cadeau gegeven door:
Naam
Adres
Postcode en woonplaats
Ik wacht op uw accept-girokaart
Handtekening
Opsturen aan: Stichting Nieuw Zeeland, Postbus 276, 4330 AG Middelburg.
Dat is noe toch ok wat. Ten êêste weet ik
niks te schrieven en ten twidde is Leuntje
d'r achter ekomme da'k ielke maend een
stikje inlevere. Z'ei ze noe oal eleze.
Dï deugden niks van.
Veestevee ellende en polletiek.
Dï mö'j de mensen nie mie vermoeie.
Mooie verhaaltjes dï a de mensen echt
wat an die mö'k schrieve.
En ze wil ok nog d'r elt van m'n
trektement. Nou over dat êêne ei ze wè
een bitje gliek. 't Is dikkels kommer en
kwel. Dat za'k verbetere. En dat leste,
dat is modern zü me mè dienke. Ze zit
ok op zö'n proatclubje.
't Goeie nieuws komt uut Zeeuws
Vlaandere. 't Is ok een bitje slecht
nieuws trouwens. Dï leure oalerlei Belse
groepjes mie gedachten en pamfletten dï
a in stit da Vlaandere wee êên mö weze.
Vrom nï vroeger. Het erge is da ze in dat
nieuwe land gin buutendiekers willen
Van vreemde smetten vrij. Het goeie is
dat er dan toch wee direkt mensen en
zelfs gemêênten bin die a dï tegen in
't verweer komme. Je kan voe zokke
diengen nie goed genoeg uutkieke. A ze
mie zokke ideeën over de grens komme,
zou j'n dichtmessele. Mè dan bin je
net zö erg.
Oe mö j' noe toch dat kwaad uutroeie
zonder in dezelfde fouten te vervoalen.
A ze dï noe's op zoue studere in plekke
van op ruumte wapens, zou ze zeker wat
kunne bedienke. Mè die stomme
regeerders nie êêns het boereverstand
om
(Dï kom Leuntje).
Toch krieg ik nog wè inspiratie van die
belgen. Vrom nï vroeger. Terug nï de tied
van de zeven provinciën. Toen
betêêkenden Zêêland éél wat meer as
noe. Leve Michiel de Ruyter. Ja, ja, ik
weet het. Me richte een Michielslegioen
op. Een leger dat a z'n eigen druk mikt om
net zokke daden te verrichten as
Machieltje toendertied.
De Westerschelde open ouwe. Gin
brugge, gin tunnel. Wè flienke schuten.
Nï Engeland vaere om de mijnwerkers te
bevrijden van het juk van Tetsjer.
Gevaerlijke schepen tegenouwe en vrom
stiere. Zö da ze nie mie vergif en are
vuulte langs Tholen en Terneuzen vaere.
Wig mie de riskante rotzoo. Tjoengen,
wat is t'r een boel te doen.
Wacht.
Wat is 't er vee te doen. Wordt lid van
't Legioen. (Mooi bedocht ee!). Stort
vuuventwintig gulden op de rekenienge
van de redaktie. Dan krieg je gratis ons
clubblad. Nieuw Zeeland noeme me dat.
Of a me 't net ontdekt (Dï kom
Leuntje wee).
't Is goed. Leuntje wil wè uniformen
naaie. Mè dï vin ik niks an. Dat voal
veestevee op. Ik dienke da'k mè
voorstelle om gin wuuven op te nemen in
't bestuur. Dat was vroeger ok nie. En
me proate ok zeeuws.
Wat doe ze eigenlijk mie dat Van
Dishoeck-uus in Vlissinge? Toch es
kieke of a me dat nie kunne kriege voe
clubgebouw. Hee, wacht es even.
Op Domburg is t'r een waetertoren te
kóóp in de dunen. Inlegge jongers.
Aele me 1 april nog?
Sienkel (en Leuntje)