POSTKOF
-v
Qnoeten uit
Oh ja
't Zeeuwse Woord
Niet iedereen kan zich abonneren.
Alleen hij/zij die tenminste wil leren
hoe het gevaar te keren
van mensen die psycholiseren.
Nieuwe abonnee
Adres
Postcode en plaats
Dit abonnement betreft mijzelf/wordt cadeau gegeven door:
Naam
Adres
Postcode en plaats
Ik wacht op uw accept-girokaart.
Handtekening
Opsturen aan: Nieuw Zeeland, Postbus 276, 4330 AG Middelburg.
Ko de Jonge
Zou j'ok nie wille da je precies wist wat a
goed en kwaed is? Dat is vreêd makkelijk
volgens mien, 'k Bin wè's jaloers op de
mensen die a dat zó goed wete.
Jie ok? Ons motte oaltied mè dienke en
nog 'es dienke. En dan nog bluuft het
tobbele en twuufele.
Neem noe zó'n man as Colijn, Je weet wè
die uut de provinciale staten.
Die weet dat noe precies: dit is goed en
dat is slecht. En die weet het niet alléén
voe z'n eigen, mè ok nog voe oêl d'are
mensen. De club die a zó dienkt groeit.
Een steutje eleë kreege een ööp jongelui
op de schole een verzetskrante.
Die stoeng vol verhalen over 't verzet,
't Verzet van toen en 't verzet van noe.
Dat van toen was goed. Tenminsten
achteraf bekeke. Wan in dien tied dochte
d'r toch ok êel vee dat het niet goed was.
Aars óa ze d'r wè meer an edae. Dat zat 'm
in 't gelóóf, 't Gelóóf da je nie vechte
mot tegen 't geen dat den Eere boven
j'esteld eit.
Dat is dus noe kennelijk veranderd.
Mè goed, een mens ei 't recht om van
gedachten te veranderen.
't Verzet van noe is slecht. Wellicht nog
aoltied om dezelfde reden. Mè ouw dus
mè moed. 't Slechte van noe wordt 't
goeie van straks. Zó bekeke is 't dus
voornaemelijk een kwestie van tied.
Krakers bin noe slecht net as homo's,
pacifisten, naturisten en gï zó mè deur.
Oales wat a z'n eigen verzet is slecht,
't Enige goeie verzet is 't verzet op je
fiets en 't verzet tegen de mensen die a
aars dienke as joe.
Dï bin ze zó van overtuugd da ze zoue
wille da oal die jongelui die krante
ongeleze bie 't oudpapier voe de zending
zoue legge.
Elke vuuf kranten is een broek voe een
neger en nae elke vuuftiene zit er ok nog
een biebel in de kontzak.
En in dien biebel stï precies wï a je
tegen mö weze.
In ulder biebel dan wel te verstaen.
Wan volgens mien die glad een aoren as
d'n trouwbiebel die a Leune en ik kado
ekregen Snap jie 't nog?
Volgens mien ze d'r zelf éen eschreve.
Een Zeeuws polletiek biebeltje.
Dï stï in da oales dï a je nie an
verdiene kan slecht is. Da iedereen die a
aars dienkt as j'n eigen in anmerking
komt voe d'elle.
En dat het dus nie uutmikt of a je die
noe de grond in stampt of pas bie 't leste
oordêel. Nog even en ze vraege de staten
om krediet om die mie kerstdag an de
schoolguus uut te meuge dêêlen.
Je kan 't noe a kóópe in de wienkel
van Colijn.
Tussen de video-banden.
A j'om een diere uutgaeve vraegt, krieg
j'er een mie blööte prentjes van Adam
en Eva.
Van Eva 't mêêst.
Sienkel