POSTKO&E
Qooeten uit....
I
Oh ja
Langzaem uutsturve
Sienkel
UK, jÉMMMMf J* MC, MM
't Gï goed. Ei j't ok eleze? Of ei j't de
koneginne zelf oare zegge: Een
krachtig herstel in Zeeland! 'k Bin zovee
blië, want ik oa d'r nog niks van ehoare
en ok glad niks van emorke. Gelukkig at
d'r nog 'n prinsjesdag is. Wan zo'n non-
nonsense kammenet zou dat ok nog wè
af durve schaffe. En oe mö 'j dan wete
oe a je d'r vö stit?
De werkeloaseid nimt af. Tenminsten,
de échte werkeloaseid. Da's dus
werkeloaseid onder gezonde venters
tussen 25 en 38 jaer. De rest is te
joenk of te oud en die bin d'r dus af'e-
trokke. En vrouwen, die a wille werke,
die telle natuurlik ok nie mee. Want die
nog nooit wat uut'evoerd. Mi oare
woorden: minder werkeloaseid.
Wat mö dat toch 'n fijn gevoel weze
voe zo'n Lubbers a je nae vier jaer ard
niepe zelf van de patiënt kan zegge dat 't
goed gaet. Mè ja, a t'r gin mens op je
schoere slit, dan mö j't zelf wè doe.
Me zü mè ope da Lubbers hollebollegijs
nie vergeet te bedanken, want die man
eit'r ok 'n boel an edae.
Mè noe stoeng d'r in diezelfde krante
da de bevolking ierzo nie mi groeit. Ok
nie mï in getal (in de brêêdte deë me
dat sinds de bezunigiengen allang nie
mï). Iets onverklaerbaers! Di kom 'n
onderzoek. Mè ik zo'n bitje wè 'n
vermoeden. Luuster mè es.
Ze zulle die wao'ers toch nie wiggoaie a
z'uut 'eschreve bin bie 't erbeidsburo?
Dat zou j' a gauw gae dienke om te
begunnen. En wie wil t'r ier nog komme
weune? Dat is toch stik gevaerlik
eworre? 't Begunt a bie 't binnenkom
men: langs Woensdrecht of over de
Westerschelde of langs Bruunisse ('t
Aerdenburg van Duveland).
Nêê, de mensen kieke wè uut om nï
ier te kommen.
En guus kwêêke kom t'r ok nie mï van.
Da's ok gevaerlik. Zo gauw a j'n uut je
broek aelt ei'j kans op aids. Volgens
Baghwan mö je j'n oliegoed andoe a je
nï bedde git. Nou, mik dan mè 's wat
klaer.
A j't mien vraegt worre we vanaf noe
mïz'n oalen geweun oud. Vergrieze. Eêl
langzaem uutsturve. Dan z'in D'n Aeg
gin last mï van moeilikke mensen tegen
kerncentrales. Ze oeve nie mï benauwd
te weze voa vee antekeniengen. En a t'r
wat ebeurt is 't nie zö erg, wan 't waere
toch oal ouwe mensen
A ik langdurig werkeloas was, wist ik 't
wè. Dan begon ik voe m'n eige. Mi 'n
parteklier rustuus.
I
Ko de Jonge
