Qnoeten uit....
PöSTKO&E
Oh ia!
Smoutebollen in zicht
At
Ko de Jonge
Er zijn mensen die in december aan cadeaus doen
Maar wat? Peins-peins, natuurlijk niet zoveel poen
Die vrienden zijn wel krantvriendelijk
Doe eens een cadeau-abonnement
Nieuw Zeeland, heel klantvriendelijk.
nieuwe abonnee
adres
postcode en plaats
dit abonnement betreft mijzelf/wordt cadeau gegeven door:
naam
adres
postcode en plaats
Ik wacht op uw accept-girokaart
handtekening
opsturen naar nieuw zeeland, postbus 276, 4330 ag middelburg
't Ei wee nie goed 'ezete. De vorige kêêr
was het vee te kritisch. Te vee tegen 't
zêre bêên. (Da's oaltied het rechtse).
De vrouwe was ok kwaed. ik oa ommers
beloofd da'k wat vriendelijker zou
schrieve. Nie oaltied over polletiek en
zö. Een paer klanten die a in de wienkel
kwaeme zeie d'r ok a wat van. Dan mö je
dus wè voorzichtig worre.
Mè ik kan d'r toch ok niks an doë a de
mensen zö lomp bin en zukke stomme
diengen uutaele. Dat ka'j dan toch nie
over je kant litte gae? Nï goeie diengen
mö je echt zoeke. Straks mie de kosse-
misse misschien. Dan ouwe ze mêêstal
op mie 't vechten. Mè on dezen tied is 't
er nie vee om dankbaer voe te wezen.
Mè volgens de vrouwe is dat er oaltied.
A je 't mè wil zie. Allee dan.
Blie bin ik omda'k nog mè twïmaal
bestole bin deze maend. En dankbaer
mag je weze a de kerstdag mè twï
daegen duurt. Tevree kan jewezeomda
je gin twï sukaladeletters ehad eit die a
beschummeld were. Zö kan'k nog wè
een steutje deur gae. Dan toch mè wat
aors.
Reden tot verbaezing was het bericht
onlest in de krante dat de ziekte-
kostenverzekerienge voe ambtenaeren
de kosten van reageerbuusbevruchtige
mö vergoede. Bel, bel toch. Noe doe ze
natuurlijk ièlemille glad niks mï. Pas las
ik nog ergens da ambtenaeren wachte
toet a de vrouwe last kriegt van den hik.
Mè da's dan noe ok klaer. 't Is een
vremde waereld wï a zokke angenêême
diengen in ongebruuk raeke. Ons bluuf
het geweun op z'n ouwerwes doë or.
Wat a ok êêl positief is, is da ze in
Vlissinge de stad op wille knappe. Noe
wille ze a de groate wienkels van buuten
de stad wee vrom komme nï 't centrum.
Je za 't zie. Eêst lokke ze de mensen nï
de industriegebieden. Dï mik je dan
mooie sier mie. Wat een industrie toch!
En even laeter lokke ze ze wee vrom nï
de stad. En die groate wienkels mè
lache. Vlissinge, Goes out in de gaten.
Wan 't bin toch wee de centen van de
geweune mensen dï a ze die leu mee
subdidiëre. En me brienge a zövee geld
nï die wienkels. De gemêênte most dï
niks an doe en 't geld dat a ze dï mie
uutspaere vrom geve an de mensen die
a dat bie mekare brienge. Ons dus.
Oalemille een lekkere beuterstaeve
kado mie de kerst. Mie de groeten van
de gemêênte. Da's nog es wat aars as
verööging van 't riool, 't onroerend goed
en de vuulnis. A d'r zokke diengen zoue
gebeure, dan zou'k m'n penne in de
amandelspijs doppe en êêl, êêl
vriendelijk schrieve. Mè vermoedelijk
za'k eerder op m'n penne knaauwe as
op een gratis kerstkranse.
Dus... O, dï kom volk in de wienkel.
Mie een bitje geluk kan'k die een pööt
uutdraaie. Dan wordt het toch nog
goed. At het lukt, meuge je op ouwejaer
oalemille om een smoutebolle komme.
Een goed uutende or.
Sienkel