bon
Pü5TKOÊ€
Oh ja
Neeltje Perreplu
nieuwe abonnee
adres
postcode en plaats
dit abonnement betreft mijzelf/wordt cadeau gegeven door:
naam
adres
postcode en plaats
Ik wacht op uw accept-girokaart
handtekening
opsturen naar nieuw zeeland, postbus 276, 4330 ag middelburg
Vroeger öa me op 't durp een ventje en
die noemden ze Paultje Perreplu. Dat
kwam omdat 'n oaltied een perreplu bie
z'n oa. Was 't nie voe de regen, dan
was 't wè tegen 't zunnetje. Een soort
al-weervoorziening zöa ze dat tegen
woordig noeme. Misschien zelfs wè een
basisvoorziening, wan je kan je d'r
j'n eigen ok nog mie verdedige, j'n
eigen mie ophijse of d'r an ge'ange.
Ik most dï an dienke toen a'k las da ze
Neeltje Jans ok een perreplu woue
geve. Neeltje Perreplu.
De dierste pereplu ooit 'emikt git
dat worre. Die kost allêêne a een alf
miljoen om te kieken of a 't wè
een goeie perreplu is. Dan is t'n d'r
nog nie en dan stit of lopt d'r nog niks
onder. Een bitje vremde zaak a j't mien
vraegt. Mè ja, je êêt Ventevogel en
je wil wat. Stel voor dat het lukt en het
wor net iets wèreldberoemds, dan
proate de ménsen laeter over je as de
man van durf en profetische blik.
Meer vent dus as veugel. Ik wedde dat
het een groate bobbel wordt die a van
een ende ons móóie landje ontsiert
en ut uutzicht belemmert.
En wat ka je doë? De kracht
en de schöön'eid van de netuur
bewondere. Een visviever, een blom'of,
wat öögstandjes van waeterstaet en vee
friet, cola en bier.
Volgens mien komt 't er op neer dat de
zaek gefrikandelliseerd wordt.
Bisnis mie 'n sausje. En die menêêr
van Gasteren mè lache. En de provincie
mè betaele. Tot a ze scheel èn blauw
zie. En dan meuge ons zeker voe vee
geld 'n dagje nï Neeltje Perreplu
mie 'n dagtochtje van menêêr Bonte
bal mee. Eên voor ëên, wan noch
Schouwen, noch Noord-Beveland kan
zo vee drukte gebruuke. A'je noe echt
'n wonder wil, dan motte ze mien
mè 's geld geve. Vee é'k nie nódig.
A't mè genoeg is voe 'n paer rollen
prikkeldraed. Dan zette me Neeltje
af voe de toeristen en dan litte
me 't groeie en bloeie. Dan litte me
de natuur d'r gank gae en ontstaet 'r
'n park dat a past bie waer a ze zó voe
'evochten Dï a de kaemer voe
'ezwicht is. Dï a noe elke dag duuzend
mensen nï komme kieke. Dat a past bie
dï a 't om goeng: 'n schóón en
veilig miljeu.
A Venteveugel dï voe zou durve
kieze - en oal die oare knikkers ok -dan
stel ik voor om voortan nie mï an veugel-
wacht te doe of natuurwandeliengen,
mè om dat 'venteveugele' te noemen.
A 'j zo iets durft te beslissen dan
bin je'n vent: 'n vrieë veugel.
Mè de Van Gasterens en andere
frietboeren trokke an de touwtjes
en dan gae de perreplu vaneigens
nï boven.
Sienkel
mu jttuttÊtM «a «at. at. aat
Ko de Jonge
