Zêêuwse Zeumerzang
't is naebie zeumer en de daegen óóre langer
je an de dune komt dan ruuk je wi friet
in Vrouwenpolder zienge ze wi moffezange
en 't bin aol kotten die j'op strage ziet
de mensen en gin tied mi om ni kérke
ze steke bedden toet in 't oenderkot
as ulder anden van de geldzucht snêrke
wat moe-je dan op zondag nog mee god
in stad ka-je de sjeze wi gerieë
of in een boerepak gae lope op de mart
't is vrêêd: di kun ze zelfs nog klompen snieë
en paeretrams die vliege'r omsterarst
en eiken auto ei zo'n dienk vo'n surfplanke
di ka j'op gestae en zeile as een gek
gewone mensen zouwer vö bedanke
't lieken wè oorlog, gae mè is kieke strek
de boeren ebbe ook aol een eige weitje
di je mee je Caravan kan stae
een soort van camping za'k mè zégge mee een bitje
ludieke strontlucht van een koe die nest je staet
jae, zêêland ei toeristen vee te geven
vooraol de moffen kommen ier graeg terug
al is't dan ienkeld mè om te beleven
wat ze wou we toen ze bin gevlucht
as 't zeumer is gaen 'k ook de boel verneuke
ik ebbe een kot mee vuulte: da's antiek
m'n vent bakt zêêuwse mossels in de keuken
en beuterbabbelaers vö zeven piek
as 't zeumer is bin ik nie gauw verlege
mè wat zou vaoder zeië at ten dat zag
ie schrêêuwde deu z'n aesem, mè gelukkig
leit un jaeren opgeslote in z'n graf.
Wanne
11