Hotel „VALKHOF" Nijmegen, Telefoon 2422
Café-Restaurant
Ruime Reant gelegen Kamers. Electrisch licht
Badkamers Vergaderzaal Twee Biljarts
ONS ZEELAND
11
Open breken, dat kon nie,
Want daer was nog volk bie.
'k Lees h'm doken op m'n gemak,
'k Steek h'm stilletjes in m'n zak,
Anders staen ze mè te schumen,
't Is te doen om je of te plumen.
Den orendag ik gauw naer 'uus,
De twidde meid bleef voe me thuus.
Toen ik thuus kwam en ik keek
Docht ik: ,,Da's wee een gemeène streek,"
Maer ik kon h'm toch wè lezen,
't Schrift, dat kon wè beter wezen,
En je schrieft me, dat de kat,
Toen je net aan 't schrieven zat,
Uut de wiege van den jongen,
Op den inktpot is esprongen.
Kiek, daer kan ik niks van zèn,
Een ongeluk kan den besten èn.
As een kat in 't nauwe kom,
Geeft ie dikkels nergens om.
Ik onze poes a meer zien spriengen,
Op die veugels, die zo ziengen,
En de katte, die ad beet,
Eer het beèstje 't zeivers weet.
Maer dat komt er niks op an:
Ik weet er noe toch öles van.
En je fouten en gebreken
Eb ik over 't oot ekeken.
Ik begriep, dat je mien agauw
Eens alleenig spreken wou.
Noe dat eb ik al lange edocht,
Dat je 't eène of 't are zocht.
As je ier of daer stoeng wachten,
Eb ik je nog al eens uut elachen.
En as ik zo an m'n werk bin,
Eb ik er toch is glad gin zin,
Om m'n eigen in te laeten
Mie de jongens van de straete,
Want de vrouw roept sebiet:
,,Zo verproat je net je tied!"
En dan roept ze, dat zo ard,
En dan kiekt ze deksels zwart.
Kiek, dat kan ze nie verdraegen,
En ze zou je 't hof afjaegen,
't Is dan ok maer 't öllerbest,
Dat je tegen niemand kiest.
Je begriept ik gin zin,
Noe ik toch maer dienstbaer bin,
Om voe zulke flauwe zaeken
Mie de vrouwe in de moeite te raeken.
En ik oud er ok ni van,
Om daer tegen Piet of Jan,
Die zo in de rondte loopen,
Flauwe proatjes te verkoèpen,
Want die bin zo zot en flauw,
Dat je er kwellek van worden zou!
Somtieds staen ze gek te scheren,
Net of ze 't in d'r oot mankeeren.
En die bin den meèsten tied
't Gauwst der mooie jonkleven kwiet.
Want öltied bluuft bie 't proaten nie,
Dikkels komt er nog wat bie!
Moeder eit zo dikkels ezeid:
,,Betje, bluuf jie mè mien meid,
Je kunt öltied wè zo bluven,
Laet je kameroads mè schuven.
Je bint nog gin daartig jaer."
Ik mot zeggen, dat is waer,
Ik in trouwen nog gien zin,
Zo lank as ik nog nie ouwer bin
En ik kan gerust verklaeren,
Wil voe mien de moeite spaeren
Dus beste Arjaen, noe voe 't leste,
De groetenisse thuus en öllemaele 't beste.
BET JE.
Vraagt Prospectus W. LENTING
Clublocaal der Zeeuwsche Vereeniging Nijmegen
De heer C. L. Paasse te St. Philipsland heeft een reddings
boot geconstrueerd, die de veiligheid te water onder alle
omstandigheden heet te verzekeren. De boot, die uit
gummi vervaardigd is kan omslaan noch indeuken. De
uitvinder heeft zijn onverwoestbare boot gepatenteerd.
Als de uitvinding nu ook practisch uitvoerbaar is zal de
heer Paasse via het natte element, spoedig
„op het droge zijn".
