ONS ZEELAND
7
NIEUWJAARSWENSCH
VAN RIENES EN MINA UUT KRABBENDIEKE
door
WILLEM TELL II.
Het platform is, op een bordje „Oostweg" na,
ledig. Rienes van d'n Oostweg en Mina van
d'n Westweg komen, elk van 'n zijde, gelijk op.
R. Zo, Mina, jie bin vroeg en dat mie Nieuwejaere,
't is vast om mien te doen, 'k kan 't anders nie verklaere.
M. Bel, bel, oor noe is an, wat dienk je wè van mien
R. Nou, da je mien wou zie, of wenschen doe, misschien.
M. Neê, neê, 't is nie voe joe, je za' d'r nie van oore,
doch je soms da'k noe glad m'n êsens verlore
R. Noe, noe, wees mè nie kwaed, 'k zou 't aest nog wè gae
Mê meid, je zie zo röod, en k zie je neuze blienke, [dienke.
da's zeker vqn de koue, ofnog van Ouejaer
M. Zeg, bi je noe agauw mie je gezeure klaer
Doe liever net zooas fesoendeleke mense
je zou me nie is graeg gelokkig nieuwjaer wense.
R. Mè Mina, Mina toch, dat doe me noe toch 'inder,
'k wensch j' aol wa wensch'lik is.
M. Ik wense joe niks minder.
R. En ok voe julder tuus. Dat mö'k ok nie vergete.
M. Wa gae zo'n jaer toch gauw 't Is om voe da me 't wete
R. En wat d'r in gebeurt 1
M. Gebeure Zwieg mè stil.
R. Toch gaet 'et nie aoltied zooas je zeivers wil.
M. Da's mè gelokkig ok.
R. Mè niet aoltied plezierig
't Geld dat is vaek zo schaersch, de boteram zo dierig.
M. Mè tóch is Zeeland goed, al lei z'n grond mè laege,
al me soms ok sturm mie die Novembervlaege.
Me bluve toch gespaerd voe vrêeseleke dienge,
zooas d'r wee zovee in aole krante stienge
van waeter over 't land, sie-kloonen mie ellende,
en aerdbeving en zo, mie döod van essen 't ende,
en vrede m'n ok.
R. J'ei wè gelieke, Mina,
Kiek is nè Parre-kwaai, Bol-lievieja en Sjie-na.
M. En as je ier bie ons 'n uusje ei gebouwd,
dan wortet nie verwoest j'ei nie voe niks gesjouwd.
R. Jaent, jaent, me leve goed en laet 't zo mè bluve,
wi stof voe kranten is di kantet lillek stuve.
Ik spreke di noe toch van stcffe voe de krant,
di bin z'êel wa van kwiet, ier op Zuud-Beveland.
De Zêepèm kom noe ier en da's om blieë te weze,
di zumme noe nie vee mi in de krant van leze.
M. De Zêep-èm Nooit van 'oord, wa's dat noe wee verdijd
R. De Zêepèm da's de Pem van d'illek-triese-teit.
't Is wè de mooiste gaef, die 't oujaer ei gegeve.
M. Dir ze glo'k welis van in de krant 'eschreve
R. Ik glóve van wè meer, mè 'k tet nie geteld.
Mè dat 't ier noe komt, dat dient ier goed vermeld,
't Il-lek-tries is d'r deur. Noe za't nie lang mi lóope,
ze gae 't in Vlissienge bie Sjosje-Tee anköope.
M. Bie wien
R. Bie Sjosje-Tee.
M. Da kan 'k eus nie berieme.
R. Ja, ja, dat is 'n Bels. Ze noeme 'n Amenieme.
M. Afein, dan ameniem, mè 't is toch eletriek,
die stap voe Beveland bring zooien an d'n diek.
R. Dat was 'n mooi besluut van de gedippe-teere.
M. En dat besluut besluut 'et ouwejaer mie eere.
R. M'n guide voe de lui, die ons bin voorgegae,
die voe 't il-lek-tries licht d'r besten gedae.
M En welkom an d'n Bels, die ons d'r van verziet.
Leev' d'ele-triekse-teit in d'ele-trieksen tied
R. Ja, ja, me gae veruut, da's ok in Goes te zieë,
di waere ze van 't jaer wè êel bizonder blieë.
M. Wirom dan wè
R. Di kwam, wa z'a zo lange wense,
dir adde ze persies net negenduuzend mense.
M. Da's mooi
R. Mè impesant bin d'r wee oafegè,
noe z'n negen miel op 'n paer stiksjes nae
M. Mè toch gae ze veruut. Ze geve d'r van bliek,
bievoeibield bie 't stas-jon, die nieuwe melkfabriek.
R. Twi mooie siene-mas (me gae d'r nog is in
M. En vlak bie Alber-chijn 'n wienkel van Sam-in
En overal tre-twaars en 'n nieuw kerkhebouw
voe domenie Van Veen.
R. Ja, ja, da's nèt nie flauw.
M. Ik wense ze digins mie nieuwejaer 'et beste.
R. en 'n schöonen, nieuwen bóo'm voe 't stienke van de veste.1)
M. In Zierikzêe mo m'ok gelokkig nieuwjaer wense,
ik magge ze wè graeg, die Zierikzêesche mense.
R. Di wachte z'ok mie 'art en ziel op ille-triek,
z'è piene in d'r öot van ulder gasfebrie'k.
M. Ik wense z en mesien om di de boot te keere,
di bin z'a jaerenlang voe an 't dibbelereere.
R. Mè waeterleidege da kriege ze noe gauw,
die waetertoren di, da word 'en mooi hebouw.
Ik fil-se-teere ze mie 't nieuwe instetuut.
M. Proost voe d'n eersten slok. Gauw komt 'r waeter uut.
R. Ze di êen gebrek, dat 'k nooit leuk 'evonden,
z'è aoltied kranten vol mie ingestikte zonden.
M. Mie watte noe awee
R, Noe, schriefsels van 't pebliek,
van dit en dat en zo. 't Maekt de rut-aksie ziek
En 'k oope da ze gauw de klok wee kunnen ooren.
M. Wirom?
R. Wè, 't zit dl vol mie vliegen in d'n toren
M. Da's vies
R. Mè waer.
M. Afein, 't za wè nie lang mi dure,
ze kunnen 'n slange van de waeterleiding uure.
R. En noe nè Middelburg. Dir is 'n blad gebore,
dir elke Zeeuwenaer z'n art an ei verlore.
't Leid eiken Zaeterdag bie ons op taefel klaer.
M. 'k Weet a wa je bedoelt „Ons Zeelandis 't gin waer
R. Ik wense ze 'n goed jaer, Den Boer en z'n trawanten.
M. En ok de gröote schaer van ulder vaste klanten,
Ons-Zêeland-abber-nees, in Zeeland en d'r buuten
Gelokkig Nieuwejaer En daegeliks je stuuten. 2)
Ik zie j'in m'n idee zo vlak ier voe me staen,
'k Wensch j'oal wat wensch-lik is, al weun j'ier ver vandaen.
R. 'et Middelburgsch ste-tuus dat mag d'r noe wee weze,
M. Ja, dir è'k ök zo wat van in de krant 'eleze.
R. 'et ziet 'r keurig uut, 'et is geres-tereerd
M. en voe 'n flienke duut voe brand ver-asse-reerd.
Mèr as zo'n oud hebouw per ongeluk verbrandt,
krieg je 't toch nooit terug, voe aol 'et geld van 't land.
R. Dus mè verzichtig an, die diengers mó m'n ouwe,
d'r kan gin mens op aerd anti-kieteiten bouwe.
M. Mè 't is bie-voe-bield gek, dat êele mooie pleksje,
di bie de Koeiepoort, da brugje mie dat eksje,
dat ze wig edae. En dat was ok antiek
R. Ja, ja, mè da's 't verkeer, da gaet voé romme-tiek.
M. Nou, da's verkeerd verkeer ik kan d'r mè nie bie
en gosternokke, zeg, zó drok is 't di toch nie
R. Ik wense ze 'n goed jaer, mie weinig tiefes-vlaege
en da ze nie zo van d'r stoepe motte klaege.
