Bie ons op t durp
Bie ons op 't durp, zou je zeggen, mae 'k bin deze
weeke glad nie op t durp 'ewist. Je mó weien, dè'k
ter's tusschen uut most, vanweges de gezondheid.
Allé, zee den dokter, j' ei toch nog fermielje op
Schouwen, noe mos je dae mae 's naetoe gaen, da's
goed voe je korrepes, van 't Hof,
Net, zee ik, dae kan 'k wè inkommen, as de vrouwe
't mae goed vindt.
Bel jenne, zee de vrouwe, gae jie noe winterneven,
in de zeumer? Afijn 'oor, je mot't zellevers mae
weten, 'j er zinnigheid in 'eit. Mae dienk 'ter om,
'k zè tegen moeie Piete zeggen, dè j'er niet te vee
alleenig op uut mö gaen, wan je bin gin joenge joenger
mê, en dé kos je wè 's slecht bekommen.
Mae mensch, zee ik, wae zie je me noe voe an?
Afijn, 'k bin dan 'egaen mie de boot nae Zierkzee,
en mie den tram nae Renesse. Mae toen 'k 't er
ankwam schrok ik m'n eige bie-nae 'n 'oedje, zó was
't 'et er dae noe's veranderd I
Eere jennig, alle gaere Indische kers en kassen, en
nieuwe 'uzen, afijn, 't was ieselijk om an te zien.
En toen me op 't strè kwammen, toen liep 't dae
vol mie vremde personen, zó mae 'alf naekt, je zou
toch zeggen, dè 't dè zó mae mag I Noe ja, z' adden
vanzelfs zo'n zwempaksje an, mae dè vin 'k noe nog
ies voe 't joenge goed, mae toch nie voe al die ouwe
gasten, 'k Kwam d'r een tegen, 'n oud merakel, zó
dik as 'n tunne. Z' 'n rood pakje an, mae ze was
toch vee bloot, en zó liep ze mae mie'n groate parre-
■sol 'een en weer te biezen. En dan ze 'n brilop'n
stoksje in d'r 'and, en dae keek ze mae alsmae mee
nae de zee, en d'r was gin spetter te zien. Afijn, vee
meer è'k er nie van 'ezien, wan moeie Piete was bie
m'n, en toen die me zó zag kieken, wier ze kwaed,
en ze zee, allé, toe toe, Pier, je mó nie zó nae de
misjes kieken, dè's glad nie goed voe je. En vanzelfs
bin me Ók nae 'Aemstee 'ewist. nae 't vliegveld. Mae
da's zó mae 'n gewone weie mie niks d'r op, alleen
zó bie gelegenheid zo'n vliegmessien.
Afijn, je begriept, dè'k je nie alles vertellen kan,
wak daer 'ezien en.
Alleenig mó'k je nog wè zeggen van de kampeerders.
Dè bin menschen die leven dae zó mae in 'n tente in
de dunen, je zou toch zeggen, wat èn ze dae noe an?
In een zo'n tente bin'k'ewist,dae wazze zes onder-
wiesders in, en die zatten smoutebollen te bakken op
'n vier. Ik zegge: èn julder noe niks beters te doen,
as in zö'n tente te zitten mie j'allen? En wat motten
de guus d'r wè van dienken azze de meester zó bezig
zien? Toen zee d'r een: da's 't vrieë leven, baes, mae
ik zegge: kè je begriepen,julderliekenewèinj'n'oot!
Afijn, toen bin 'k mae wee vort 'egaen, 't was dae
toch zö'n aorige boel, en 'k zegge tegen moeie Piete:
moeie, 'k gloave da'k toch mae wee naer 'uus gae,
wan 'k bin vee beter.
Allé, en dat èk toen mae 'daen ók, en toen 'k tuus
kwam, zee de vrouwe: Zó, bi je dae wee, en ei je
nie nae de vrouwe 'ekeken
Zwieg stille, zee ik,'k èn d'r een 'ezien, die was zó
vet, dae sneeje ze stikken af om smoutebollen mee
te bakken.
'Eerejinnig, dè bin toch diengen I riep de vrouwe.
Dè gló'k ók, zee ik, en toen wier d'r nie mir over
'esproken. AUè en zó bin 'k dan wee tuus, ee
De groctenisse van
PIER VAN 'T HOF.
De driedaagsche feesten te Breskens werden Maandag 3 Aug. gesloten o.a. met
een serie volksspelen. Het nummer ringrijden per fiets.
De toren van het kerkje te Kattendijke wordt
vernieuwd. Foto van het werk.
442 VRIJDAG 14 AUGUSTUS 1931 No. 22
Restaureerend Veere. Aan de restau
ratie van den weg naar Veere wordt
thans de laatste hand gelegd. Bij dit
fraaie gezicht op het oude stadje van
af de wegwerken valt de steiger op
om den ouden kerktoren ten behoeve
van diens restauratie.
Een nummer, dat-veelvroo-
lijkheid veroorzaakte,
zakloopen door de jongens.
Restaureerend Veere Terwijl de restauratie van het bekende Raadhuis spoedig kan
volgen, is men thans reeds begonnen met het
bijwerken van den Camperveerschen toren,
ook een van Veere's merkwaardige gebouwen.
Globetrotters Veelvuldig wordt onze provincie tegenwoordig ook bezocht door wereldreizigers,
die zulks op verschillende manieren doen. Een tweetal, dat volgens de
zegels, waarmee de ruiten van den auto zijn beplakt, de
wereld per auto heeft rondgereisd.
Maandagavond 3 Augustus werd te Wolfaartsdijk het gedenkteeken onthuld op het graf van
oud-burgemeester C. Koert. De gelden voor dit gedenkteeken werden door de ingezetenen bij
elkaar gebracht en de uitvoering werd opgedragen aan den heer Mink, steenhouwer te Goes.
