B ie ons op 't durp
No. 27
VRIJDAG 4 DECEMBER 1931
699
Toondagen te Goes. Kijkj
>p de veemarkt te Goes tydens
de zgn. toondagen, die er dt
vorige meek roerden gehouden.
I oor het eerst
on de markt
oor het laatst naar
de markt, als
ntueel in handen
van den slager komen.
St. Nicolaas op visitef
ter mijl Piet geschenken uitdeelt
XXXVI
Dae è'k dan toch eindlienge wee 's wat van Leen
'ehoord, dè was noe toch biena een jaer 'eleen. En
'k mó zeggen: schrieven kan 't'n as den besten. En
daevoe zè'k dien brief 'ier mae's over schrieven, dan
èn julder d'r ök wat an. Ie schrieft:
Beste Pier, j' 'ei in lang niks van m'n g'oore, mae
'oe 'k an Ka, m'n wuuf, kwam. en waerom buurman
Kees mie Kossemisse gin meid kreeg.dè zè'k je 110e 's
netjes vertellen. Noe mö je weten, wien dè Ka is. Ka,
d'r is gin knapper vrómensche in 'eel Zuid-Beveland,
nie zó 'n alleve juffrouw, die d'r alleve melkeriejean
kan voe de mode. neent, verentig nie.'t is een boere-
meid van der musse tot an d'r klompen. Noe mö je
weten, dè Ka een jaer bie mien 'ediend èas vrouwe
meid, en ik begos te dienken dè ze een bitje zin in
mien kreeg, en ik was een joenge joengen en 'k 'n
mooie 'oeve. Mae toen vertelde'n ze m' ineens dè ze
mie Kossemisse bie buurman Kees zou gaen dienen,
en dè ze mie 'umsen gakkerdeerd Afijn, toen
'ebeurde 'n 't dè 'k van de landbouwtentoonstellinge,
je weet dè-'d ök nog wè, tuus kwam en in de varte
zag ik den toren van Kepelle, zó eengael was de
locht en de tjoekens piepten in 't gos, en m'n 'ooi-
roeie stieng wondermooi en 'k was in m'n 'opjes.
Toen gien'k in 'uus en dae stieng Ka in de kelder bie
een gelte beuter, wan beuter opmaeken kan ze goed;
de ponden stiengen dae zó stieve op een reeke, en ik
keek is nae Ka en ik keek is nae den beuter, en ik
wis nie wat ter lekkerder uutzag, Ka of de beuter,
en 'k proefde 'n is van de beuter en 'k zee: z'is ver-
draoid lekker, en toen kreeg ik zö'n aorig gevoel in
m'n vesjeszak en toen gaf ik Ka een kos, in d'r nikke,
net onder d'r krulletjes, die van onder d'r musse
kwamme. En den 'ond die mee in de kelder 'eloapen
was, pienkte 'n is mie z'n oagen of 't'n zegge wou:
wè wou jie eigelijk, baes? En 't liep nae Kossemisse.
Ka die sukelademelk 'ekookt, net as altied, en ik
roakte m'n puupe, en Ka zee niks, en de sukelade
melk wier koud, en ik trokte 's an m'n puupe dieuut
was. 't Was net of t'r wat tusschen 'ekommen was,
'k zee: Ka,noe mö je toch is zeggen, waerom je toch
zó kwaed was, toen 'k j'een kos in je nikke gaf, en
waevoe je noe eigelijk wiggaet, nae Kees.
Baes, zee Ka, een fersoendeliik vrómensche laet d'r
eige nie in d'r nikke kossen. En toen stieng ik op,
en toen gaf ik Ka een kos dae 't oorden en Ka zee:
baes, wè stoamt die lampe toch, en ze blies de lampe
uut. En mie Kossemisse lei de tange in 't vier, en
Kees gin meid, en ik 'n vrouwe.
Noe begriep je toch zeker wè, dè t'r van schrieven
niks 'ekommen is
Dè was noe Leen z'n brief, en 'k mó zeggen, ie
'eit t'r goed mee 'edaen. Wan j'ei meer an 'n meid
die nie van je stand is, mae goed beuter kan gemae-
ken dan an zi'n floddermedam die alles an d'r lief
'angt. Ee En noe zè'k t'r is gauw nae toe gaen, 't is
zonde dè de brulofteè verbie is, dè begriep je. De weken
vliegen verbie; noe is 't gauw wee Kossemisse.
Afijn, dè's nog 's te doen; gin werk en de vrouwe
alsmae reuzelbollen bakken en zó je zou j'n eige
over 'oop vreten, dae
Da's dae toch ók wat, in Weumeldinge mie dien
overwigl 'k 'Eb ik 'et lank zien ankommen; dè kos
toch ók nie uutbluven. J' 'ei t'r glad gin zicht mie al
die beamen. En je mö nie gloaven, dè 't alleenig dae
zóislNecntl 't Is biena overal zó op Zuud-Beveland,
en je begriep nie, dè t'r nie meer ongetokken 'ebeuren.
Ik zegge lest tegen Pier verdulleme ók: man, wees
jie mae voorzichtig, wan ze riejen je strak nog an
moes. En 'um lachte mae, maer ik zegge: Je kan
nie ge nog op je lief passen.
Afijn, 'k zè d'r mae wee op 'ouwen voe deze keer,
wan 'k 'n bitje griep, weet je en dan bi je toch zó
duzeldig, en d'r 'elp niks as '11 glasje jenever en vroeg
nae kot. Allee, tot kommende weeke.
PIER VAN 'T HOF
Hu.il na den arbeid.
Sinl Nicolaaspakjesdie fier boot
aankomen en lu-rzonden morden.
