AT ONS I
Bie ons op 't durp
No. 31
826 VRIJDAG 1 JANUARI 1932
Dè's wee verbie. Den dokter en z'n fermielje bin
wee of'ereisd. Mae 'k mó zeggen, 't waere plezante
daegen, en m'n èn vee plezier g'ad. D'n dokter, dè's
t'r toch ök eentje En z'n vrouw ök, en de guus, 't
bin beste menschen, en 'k d'r vee spiet van, dazze
mae zo n kort stuitje koste bluven.
Mae d'r mö m'n wat anders uut de penne. Noe bin
ze bie m'n 'ewist voe een nieuwe schoole. D'n dome-
nee, en Verstuute, van de Kerkeraed.
Ik zegge wè menschen, wat 'ei j'an 't'andje en op
j'n 'arte. Afijn, ze wouë een nieuwe school èn, een
school mie den biebel, zè 'k mae zèn. Ik zegge ik
dae bin 'k glad nie voe, domenee.
Mae van 't Hof, zee 'urn, 'oe è'k èt noe mie je.
Ik zegge ik: da zè'k j's gauw vertellen. Ik bin ik
wè voe die schoole liek julder d'r een willen, mae
noe nie. Nee, d'r is 't toch ommes noe gin tied voe?
Wulder bin mie vuuftien 'onderd menschen op 't
durp, en d'r bin noe a vier scholen. En noe wille
julder d'r wee een bie èn Je zu t'r nie van 'ooren.
Toen wier Verstuute kwaed, maer ik zegge: man,
gebruuk toch j'n 'essens! Zö'n schoole mó m'n toch
aumes zelf betaelen. En d'r is 't noe gin tied voe, da
zeg ik. Wulder kun d'r voe dokken. En a d'r noe gin
goeie scholen 'enogt waere, dan zou 'k zegge: allee,
mae m'è d'r toch zat.
Toen ze niè vee mi te zeggen, en bin z' op
'estapt. En 'k 'oorden dè Verdulleme d'r ók nie an
mee doet, Ten z'n zoon ók nie. Z'èn krek 't zelfde
'ezeid as ik. Ik vind ik, dat 't glad niè goed gaet.
Vroeger bin 'k op de gewone schoole 'ewist, bie
meester Priem, en 'k d'r gin onvertoge woord
'eleerd. En ons gienge allemaele nae één schoole,
en "k zegge: waevoe mot dat noe anders? D'r is a
zó vee verdeeld'eid je 't zó 'oort.
Je mö juist zoeke om in 'n aar ök 't goeie te zien,
en nie alleen in j'n eigen. A'k 'et goed dan m'n
dae ök den slechten tied an te danken. Iedereen wil
mae op z'n eige weggetje gaen, en dè kost 'n 'oop
centen. En ik begriep ik nie, waevoe of da zó mö
wezen.
Bin de menschen dan teegswoordig zó vee beter
as vroeger? A' je de krante opneemt, lees je alleen
mae van moord en doodslag en zukken spul. En ze
worren alsmae meer waerels, dae deug gin haer mi van.
En è'k noe zie, 'oe m'n 'ier vroeger op 'tdurp leef
den, noe ja, je begriept, dè m'n ök wè 's spul mie
mekaar 'adden, dè spreekt, mae toch nie zö as noe,
dè d'n een d'n aèr nie mi zie kan. En je kan mien
nie wesmake, dè t'r daerdeur nie meer oorlogen bin
ök. A' de menschen nie mie mekaere in vrede willen
leven, dan 'ei je 't trek gaende.
Afijn, ik wil mae zeggen, dat ik t'r glad nievoebin.
Kwè, 'k 'ouwe op. Je mó begriepen, 't loapt zó tegen
't ende, en dan mö 'k brieven schrieven an al de guus
die nie tuus bin. Da's de gewente, weet je. Dan komt
d'n ienktpot uut de spinne voe de vrouwe, wan m'n
èn ieder z'n eige goed. wan 'eur kan mie die penne
van mien niè schrieve.
Noe, 'k wensche julder allegaere vee 'eil en zegen,
en tot kommende jaere
PIER VAN 'T HOF.
Opening oan het nUegoeld
te Haamstede in Mei.
De bloei in Juni.
De Dempu in Februari.
De sneeuw in Januari.
Opening oan de harren Ie Vlis-
singen door IIM. de Koningin
in April.
De nieuwe sluis te Staoenisse,
die in Maart werd geopend.
